ചോഷുയി നദി
തായ്‌വാനിലെ ഏറ്റവും നീളമേറിയ നദിയണ് ചോഷുയി നദി.[1] ഇത് നൻറ്റൗ പ്രദേശത്തെ അതിന്റെ ഉറവിടത്തിൽ നിന്ന് പടിഞ്ഞാറൻ അതിർത്തി വരെ ഒഴുകുന്നു. യുൻലിൻ, ചാങ്‌ഹുവാ പ്രദേശങ്ങൾക്കിടയിലെ അതിർത്തിയായി ഈ നദി വർത്തിക്കുന്നു. [2] ചാങ്‌ഹുവാ, യുൻലിൻ പ്രദേശങ്ങൾക്കിടയിലൂടെ തായ്‌വാൻ കടലിടുക്കിൽ ചെന്ന് ചേരുന്നു.
| ചോഷുയി നദി | |
| നദി | |
| രാജ്യം | ചൈന |
|---|---|
| സംസ്ഥാനം | തായ്‌വാൻ |
| സ്രോതസ്സ് | |
| - സ്ഥാനം | ഹെഹുവാൻഷാൻ കൊടുമുടി, നാൻറ്റൗ പ്രദേശം |
| അഴിമുഖം | തായ്‌വാൻ കടലിടുക്ക് |
| - സ്ഥാനം | ചാങ്‌ഹുവാ, യുൻലിൻ പ്രദേശങ്ങൾക്കിടയിൽ |
| - ഉയരം | 0 m (0 ft) |
| നീളം | [convert: invalid number] |
| Discharge | |
| - ശരാശരി | [convert: invalid number] |
.jpg) ചോഷുയി നദി | |
.jpg)
'കലങ്ങിയ വെള്ളം' എന്നാണ് ഈ നദിയുടെ പേരിന്റെ അർത്ഥം.[3]ചോഷുയിയുടെ ആകെ നീളം 186 കിലോമീറ്റർ (116 മൈൽ) ആണ്. 3100 ചതുരശ്ര കിലോമീറ്ററാണ് ചോഷുയിയുടെ നദീതട വിസ്തീർണ്ണം. പ്രതിവർഷം 6.1 ഘന കിലോമീറ്റർ ജലവും 40 മെട്രിക് ടൺ അവസാദവും ഈ നദിയിലൂടെ ഒഴുകുന്നു.
തായ്‌വാൻ ദ്വീപിനെ ഉത്തര തായ്‌വാൻ എന്നും ദക്ഷിണ തായ്‌വാൻ എന്നും വേർതിരിക്കുന്ന അനൗദ്യോഗിക അതിർത്തിയായി ഈ നദി കരുതപ്പെടുന്നു.[4] വുഷോ, വുജി എന്നീ ഡാമുകളും ചിചി തടയണയും ഈ നദിയുടെ നീരൊഴുക്കിനെ നിയന്ത്രിക്കുന്നു. ജലസേചനത്തിലൂടെയും എക്കൽ വിതരണത്തിലൂടെ നദീതടപ്രദേശങ്ങളെ ഫലഭൂയിഷ്ടമാക്കുന്നതിലൂടെയും തായ്‌വാന്റെ കാർഷികമേഖലയിൽ ചോഷുയി നിർണ്ണായകമായ പങ്ക് വഹിക്കുന്നു.[5]
വെള്ളപ്പൊക്കങ്ങൾ
ചുഴലിക്കാറ്റുകൾ മൂലമുണ്ടാകുന്ന വെള്ളപ്പൊക്കങ്ങൾ തായ്‌വാനിലെ നദികളിൽ പതിവാണ്. 1965 മുതൽ 2013 വരെയുള്ള കാലഘട്ടത്തിൽ ചോഷുയി നദിയിൽ 140 തവണ വെള്ളപ്പൊക്കമുണ്ടായി.[2]. 1999 സെപ്റ്റംബർ 21-ന് 2400 പേരുടെ മരണത്തിനിടയാക്കിയ ഭൂകമ്പത്തിന്റെ പ്രഭവകേന്ദ്രം ചിചി പട്ടണത്തിനടുത്ത് ചോഷുയി നദീതടമായിരുന്നു.
പോഷകനദികൾ
- ചെൻയൗലാൻ നദി - ഈ നദി മൗണ്ട് യുഷാനിൽ നിന്നും ഉത്ഭവിക്കുന്നു. 42.4 കിലോമീറ്റർ നീളവും 450 ചതുരശ്ര മീറ്റർ നദീതട വിസ്തീർണ്ണവും ഉണ്ട്.
- ഷുയിലി നദി - നാൻറ്റൗ പ്രദേശത്തു കൂടി ഒഴുകുന്ന ഈ നദിയ്ക്ക് 19 കിലോമീറ്റർ നീളമുണ്ട്.
- കഷെ നദി - ഈ നദിയും നാൻറ്റൗ പ്രദേശത്തു കൂടി ഒഴുകുന്നു. 47കിലോമീറ്റർ (29 മൈൽ) ആണ് കഷെ നദിയുടെ നീളം.[6]
പരിസ്ഥിതി
ചിചിയിൽ നദിക്ക് കുറുകെ ഒരു തടയണ നിർമ്മിച്ചതിലൂടെയും കോൺക്രീറ്റ് വ്യവസായത്തിന്റെ പ്രവർത്തനങ്ങളിലൂടെയും ചോഷുയി നദിയുടെ പരിസ്ഥിതി അടുത്ത കാലത്തായി ഗുരുതരമായി തകർന്നിട്ടുണ്ട്. നദിയുടെ പരിസരപ്രദേശങ്ങളിലുള്ള ഫാക്റ്ററികളും ചോഷുയിയുടെ പരിസ്ഥിതിക്ക് ഭീഷണിയായിട്ടുണ്ട്.
അവലംബം
കൂടുതൽ വായനയ്ക്ക്
- ഷാ, രജിബ്; തൈറ്റാകൂ, ഡാനയ്, eds. (10 ജൂൺ 2010). "ചാപ്റ്റർ 13 - ദി വാട്ടർ കമ്മ്യൂണിറ്റി കേസ് ഓഫ് ചോ-ഷുയി റിവർ ഇൻ തായ്‌വാൻ". വാട്ടർ കമ്മ്യൂണിറ്റീസ് : കമ്മ്യൂണിറ്റി, എൻവയോണ്മെന്റ് ആൻഡ് ഡിസാസ്റ്റർ റിസ്ക് മാനേജ്മെന്റ് : വോള്യം 2. എമറാൾഡ് ഗ്രൂപ്പ് പബ്ലിഷിങ് ലിമിറ്റഡ്. pp. 241–262. ISBN 978-1849506984. Retrieved 1 ഫെബ്രുവരി 2015.