ജോർജ്ജ് ഹാരിസൺ

ഒരു ഇംഗ്ലീഷ് സംഗീതജ്ഞനും ഗായകനും ഗാനരചയിതാവുമായിരുന്നു ജോർജ്ജ് ഹാരിസൺ (25 ഫെബ്രുവരി1943 – 29 നവംബർ 2001). ബീറ്റിൽസിന്റെ ലീഡ് ഗിറ്റാറിസ്റ്റ് എന്ന നിലയിൽ ലോകപ്രശസ്തനായി. 1960-കളിൽ ഹരേ കൃഷ്ണ പ്രസ്ഥാനത്തിലൂടെ ഭാരതീയ സംസ്കാരത്തിൽ ആകൃഷ്ടനായ അദ്ദേഹം ബീറ്റിൽസിനെയും ഇന്ത്യയിലേക്ക് ആനയിച്ചു. 1970-ൽ ബീറ്റിൽസ് വേർപിരിഞ്ഞതിനു ശേഷം സോളോ ഗായകനായും സംഗീതസപര്യ തുടർന്നു. 1988-ൽ ട്രാവലിങ്ങ് വിൽബറീസ് എന്ന ട്രൂപ്പ് ആരംഭിച്ചു. റോളിംഗ് സ്റ്റോൺ മാഗസിന്റെ 'എക്കാലത്തെയും മികച്ച 100 ഗിറ്റാറിസ്റ്റുകൾ' എന്ന പട്ടികയിൽ 11-ആമതായി. 1971-ൽ [പണ്ഡിറ്റ് രവിശങ്കറുമൊത്ത് ബംഗ്ലാദേശിനു വേണ്ടി ധനശേഖരണാർഥം നടത്തിയ സംഗീതപരിപാടി പിൽക്കാലത്ത് സമാനോദ്ദേശ്യത്തോടെ നടത്തിയ അനവധി പരിപാടികൾക്ക് മാതൃകയായി.

ജോർജ്ജ് ഹാരിസൺ MBE
ജോർജ്ജ് ഹാരിസൺ 1974-ൽ.
പശ്ചാത്തല വിവരങ്ങൾ
പുറമേ അറിയപ്പെടുന്ന	ലെ ഏയ്ജെലോ മിസ്റ്റീരിയോസോ നെൽസൺ വിൽബറി സ്പൈക്ക് വിൽബറി
ജനനം	(1943-02-25)25 ഫെബ്രുവരി 1943 ലിവർപൂൾ, ഇംഗ്ലണ്ട്
മരണം	29 നവംബർ 2001(2001-11-29) (പ്രായം 58) ലോസ് ആഞ്ചലസ്, കാലിഫോർണിയ, യു. എസ്.
വിഭാഗങ്ങൾ	റോക്ക്, പോപ്, ലോകസംഗീതം, എക്സ്പെരിമെന്റൽ
തൊഴിൽ(കൾ)	സംഗീതജ്ഞൻ, ഗായകൻ, ഗാനരചയിതാവ്, സംഗീത നിർമ്മാതാവ്, ചലച്ചിത്ര നിർമ്മാതാവ്
ഉപകരണ(ങ്ങൾ)	പാട്ട്, ഗിറ്റാർ, സിത്താർ
വർഷങ്ങളായി സജീവം	1958–2001
ലേബലുകൾ	Parlophone, Capitol, Swan, Apple, Vee-Jay, Dark Horse, Gnome
വെബ്സൈറ്റ്	www.georgeharrison.com

രണ്ടുതവണ വിവാഹിതനായിട്ടുണ്ട്. പാറ്റി ബോയ്ഡ് (1966-1977), ഒളിവിയാ ഏരിയസ് (1978-മരണം വരെ) എന്നിവരായിരുന്നു ഭാര്യമാർ. 2001-ൽ ശ്വാസകോശാർബുദം ബാധിച്ചു മരിച്ചു.