ടെട്രിസ്
ഒരു ചെറുകള്ളി യോജിപ്പിക്കൽ പ്രഹേളികാ വീഡിയോ കളിയാണ് ടെട്രിസ് (റഷ്യൻ: Тетрис)(ജപ്പാനീസ്: テトリス - ടെടോറിസു) (കൊറിയൻ: 테트리스 - ടെറ്റ്യൂലിസ്യൂ). സോവിയറ്റ് യൂണിയൻകാരനായ ഡെവലപ്പർ അലെക്സീ പായിറ്റ്നോവ് ആണ് ആദ്യമായി ഈ കളി നിർമ്മിച്ചത്. പായിറ്റ്നോവ് യുഎസ്എസ്ആറിലെ അക്കാദമി ഓഫ് സയൻസിലെ ഡൊറോഡ്നിസൈൻ കമ്പ്യൂട്ടർ സെന്ററിൽ പ്രവർത്തിച്ചുകൊണ്ടിരുന്ന സമയത്ത്,[2] 1984 ജൂൺ 6നാണ് ആദ്യമായി ഈ ഗെയിം പുറത്തിറക്കിയത്.[3] നാലിനെ സൂചിപ്പിക്കുന്ന ഗ്രീക്ക് പൂർവ്വപ്രത്യയമായ ടെട്രാ- (ടെട്രിസിലെ കട്ടകളെല്ലാം നാലു ചെറുകള്ളികൾ ചേർന്നതാണ്), പായിറ്റ്നോവിന്റെ ഇഷ്ടവിനോദമായ ടെന്നീസ് എന്നീ വാക്കുകളിൽ നിന്നാണ് ടെട്രിസ് എന്ന വാക്ക് രൂപം കൊള്ളുന്നത്.[4][5]
| Tetris | |
|---|---|
 അഞ്ചാം തലമുറ ഐപോഡിൽ പ്രവർത്തിക്കുന്ന ടെട്രിസ് (2006). | |
| വികസിപ്പിച്ചത് | പായിറ്റ്നോവ്
|
| പുറത്തിറക്കിയത് | |
| രൂപകൽപ്പന | അലെക്സീ പായിറ്റ്നോവ് |
| സംഗീതം | ഹിരോകാസു ടനാക[1] |
| പ്ലാറ്റ്ഫോം(കൾ) | ഉപകരണങ്ങൾ
|
| പുറത്തിറക്കിയത് | ജൂൺ 6, 1984
|
| വിഭാഗ(ങ്ങൾ) | പ്രഹേളിക |
| തര(ങ്ങൾ) | ഒരാൾ, ഒന്നിലധികം പേർ |
| ക്യാബിനറ്റ് | കുത്തനെ |
| ആർക്കേഡ് സിസ്റ്റം | സിസ്റ്റം 16 സിസ്റ്റം ഇ |
| CPU | 68000, Z80 |
| ശബ്ദം | വൈഎം2151 2xഎസ്എൻ76496 |
| ഡിസ്‌പ്ലേ | 320 x 224 256 x 192 |
കളി
നാലു സമചതുരങ്ങൾ കൊണ്ടുണ്ടാക്കിയ ടെട്രിമിനോകൾ എന്നറിയപ്പെടുന്ന കട്ടകൾ ഉപയോഗിച്ചാണ് ടെട്രിസ് കളിക്കുന്നത്. ക്രമരഹിതമായി താഴേക്ക് വീഴുന്ന ടെട്രിമിനോകളെ വശങ്ങളിലേക്ക് ചലിപ്പിച്ചും 90 ഡിഗ്രി വരെ കറക്കുകയും ചെയ്ത് പത്തു സമചതുരങ്ങളെ കൊള്ളാവുന്ന ഒരു തിരശ്ചീന രേഖയാക്കി മാറ്റണം. അത്തരത്തിലൊരു രേഖ നിർമ്മിക്കപ്പെടുമ്പോൾ ആ രേഖ അപ്രത്യക്ഷമാവുകയും അതിനനുസരിച്ചുള്ള പോയന്റുകൾ കളിക്കാരന് ലഭിക്കുകയും ചെയ്യുന്നു. നിശ്ചിത എണ്ണം രേഖകൾ പൂർത്തിയാക്കിയാൽ അടുത്ത ഘട്ടത്തിലേക്ക് കളി എത്തുന്നു. ഓരോ ഘട്ടം കഴിയുമ്പോഴും ടെട്രിമിനോകളുടെ വീഴ്ചയുടെ വേഗത വർദ്ധിക്കുന്നു. ഒടുവിൽ പൂർത്തിയാക്കാത്ത രേഖകൾ സ്ക്രീനിന്റെ മുകൾഭാഗത്ത്, പുതിയൊരു ടെട്രിമിനോക്ക് വരാൻ കഴിയാത്ത വണ്ണം മുട്ടുമ്പോൾ കളി അവസാനിക്കുന്നു.
എല്ലാ ടെട്രിമിനോകളും ഒന്നോ രണ്ടോ വരി ഒറ്റയടിക്ക് പൂർത്തിയാക്കാൻ കഴിവുള്ളവയാണ്. I, J, L ടെട്രിമിനോകൾക്ക് മൂന്നു വരിയും L ടെട്രിമിനോക്ക് നാലുവരിയും ഒറ്റയടിക്ക് പൂർത്തിയാക്കാൻ കഴിയും. ഇതിനെ ഒരു ടെട്രിസ് എന്നു വിളിക്കപ്പെടുന്നു. എന്നാൽ ചില സന്ദർഭങ്ങളിൽ T, S, Z ടെട്രിമിനോകൾക്കും ഒറ്റയടിക്ക് മൂന്നു രേഖകൾ പൂർത്തിയാക്കാൻ കഴിയാറുണ്ട്.
സംഗീതം
- സംഗീതം എ ടെട്രിസ് ഗെയിംബോയ് എഡിഷൻ 1.1ലുള്ള സംഗീതമാണ്. റഷ്യൻ നാടോടി സംഗീതമായ കൊറോബൈനികിയെ അവലംബിച്ചുണ്ടാക്കിയതാണീ സംഗീതം.
- സംഗീതം ബി ഗെയിംബോയ് പതിപ്പിൽ ലഭ്യമായിരുന്നു. സംവിധാനം ഹിരോകാസു ടനാക.
- സംഗീതം സി ഗെയിം ബോയ് പതിപ്പിൽ തന്നെയിറങ്ങി. സംവിധാനം ജൊഹാൻ സെബാസ്റ്റ്യൻ ബാക്ക്.
- സംഗീതം 1 എൻഇഎസ് പതിപ്പിൽ ലഭ്യമായിരുന്നു. സംവിധാനം ഷൈക്കോവ്സ്കി
അവലംബം
പുറം കണ്ണികൾ
- ഔദ്യോഗിക വെബ്സൈറ്റ്
- ടെട്രിസ് ചലച്ചിത്രം യുട്യൂബിൽ.
- ടെട്രിസ്: കഥയും ഡൗൺലോഡും, വാദിം ജെറാസിമോവ് എഴുതിയത്.
- ടെട്രിസ് ബുദ്ധിമുട്ടേറിയ കളിയാണെന്ന് ഗണിതജ്ഞർ, സയന്റിഫിക് അമേരിക്കൻ, ഒക്ടോബർ 2002
- ടെട്രിസും മസ്തിഷ്കവികാസവും
- മൈ വൈഫ് ഈസ് ദ ടെട്രിസ് വേൾഡ് ചാമ്പ്യൻ, ബോസ്റ്റൺ ഗ്ലോബ് മാഗസിൻ, ആഗസ്റ്റ് 19, 2007.
- വിറ്റ്നസ്: ദ ക്രിയേഷൻ ഓഫ് ടെട്രിസ് – ബിബിസി റേഡിയോ
- ടെട്രിസ്: ഫ്രം റഷ്യ വിത്ത് ലവ് ഇന്റർനെറ്റ് മൂവി ഡാറ്റാബേസിൽ – ആദ്യകാല ടെട്രിസിനെ കുറിച്ചുള്ള ഡോക്യുമെന്ററി
- എക്സ്റ്റസി ഓഫ് ഓഡർ: ദ ടെട്രിസ് മാസ്റ്റേഴ്സ് ഇന്റർനെറ്റ് മൂവി ഡാറ്റാബേസിൽ – 2010 ടെട്രിസ് ചാമ്പ്യൻഷിപ്പിനെ സംബന്ധിച്ച ഡോക്യുമെന്ററി.