ദ ഹോബിറ്റ്: ആൻ അൺ എക്സ്പെക്റ്റഡ് ജേർണി

പീറ്റർ ജാക്സൺ സംവിധാനം ചെയ്ത 2012 ലെ ഇതിഹാസ ഫാന്റസി സാഹസിക ചലച്ചിത്രമാണ് ദ ഹോബിറ്റ്: ആൻ അൺ എക്സ്പെക്റ്റഡ് ജേർണി. ജെ ആർ ആർ. ടോൾക്കീനിന്റെ 1937 ലെ ദ ഹൊബിറ്റ് എന്ന നോവൽ അടിസ്ഥാനമാക്കി നിർമിച്ച മൂന്നു ഭാഗങ്ങളുള്ള സിനിമയിൽ ആദ്യത്തേത് ആണ് ഇത്. അതിനു ശേഷം ദ ഹോബിറ്റ്: ദ ഡെസൊലേഷൻ ഓഫ് സ്മോഗ് (2013), ദ ഹോബിറ്റ്: ദ ബാറ്റിൽ ഓഫ് ദ ഫൈവ്‌ ആർമീസ് (2014) എന്നിവ കൂടി പുറത്തിറങ്ങി. ഇവ മൂന്നും ജാക്ക്സണന്റെ ദ ലോഡ് ഓഫ് ദ റിങ്സ് ചലച്ചിത്ര പരമ്പരയുടെ കാലക്രമത്തിന് മുൻപ്‌ നടക്കുന്നതായാണ് ചിത്രീകരിച്ചിരിക്കുന്നത്. പീറ്റർ ജാക്സൺ, ഫിലിപ്പ് വാൽഷ്, ഫിലിപ ബോയിൻസ്, ഗില്ലർമോ ദെൽ ടോറോ എന്നിവർ ചേർന്നാണ് ഈ സിനിമയുടെ തിരക്കഥ തയ്യാറാക്കിയത്. 

The Hobbit: An Unexpected Journey
Theatrical release poster
സംവിധാനം	Peter Jackson
നിർമ്മാണം	Carolynne Cunningham Zane Weiner Fran Walsh Peter Jackson
തിരക്കഥ	Fran Walsh Philippa Boyens Peter Jackson Guillermo del Toro
ആസ്പദമാക്കിയത്	The Hobbit by J. R. R. Tolkien
അഭിനേതാക്കൾ	Ian McKellen Martin Freeman Richard Armitage James Nesbitt Ken Stott Sylvester McCoy Cate Blanchett Ian Holm Christopher Lee Hugo Weaving Elijah Wood Andy Serkis
സംഗീതം	Howard Shore
ഛായാഗ്രഹണം	Andrew Lesnie
ചിത്രസംയോജനം	Jabez Olssen
സ്റ്റുഡിയോ	New Line Cinema Metro-Goldwyn-Mayer WingNut Films
വിതരണം	Warner Bros. Pictures
റിലീസിങ് തീയതി	28 നവംബർ 2012 (2012-11-28) (Wellington premiere) 12 ഡിസംബർ 2012 (2012-12-12) (New Zealand) 14 ഡിസംബർ 2012 (2012-12-14) (United States)
രാജ്യം	New Zealand United States[1]
ഭാഷ	English
ബജറ്റ്	$200–315 million[2][3]
സമയദൈർഘ്യം	169 minutes[4]
ആകെ	$1.021 billion[5]

ലോർഡ് ഓഫ് ദ റിങ്സിലെ സംഭവങ്ങൾക്ക് എഴുപത്തേഴ് വർഷം മുൻപാണ് കഥ നടക്കുന്നത്. മിഡിൽ എർത്ത് ആണ് പശ്ചാത്തലം. ടോൾക്കിയൻ എഴുതിയ റിട്ടേൺ ഓഫ് ദി കിംഗ് എന്ന നോവലിന്റെ അനുബന്ധങ്ങളിൽ നിന്നാണ് കഥ രൂപപ്പെടുത്തിയത്^[6] . ബിൽബോ ബാഗ്ഗിൻസ്, മാന്ത്രികനായ ഗാൻഡാൾഫ്, തോറിൻ ഓക്കെൻഷീൽഡിന്റെ നേതൃത്വത്തിൽ ഉള്ള പതിമൂന്നു കുള്ളന്മാരുടെ സംഘവും ചേർന്ന് സ്മോഗ് എന്ന ഡ്രാഗണിൽ നിന്ന് ലോൺലി മൗണ്ടൻ തിരിച്ചു പിടിക്കാൻ ശ്രമിക്കുന്നത് ആണ് പ്രമേയം. മാർട്ടിൻ ഫ്രീമാൻ, ഇയാൻ മക്ക്കെല്ലൻ, റിച്ചാർഡ് ആർമിറ്റേജ്, ജെയിംസ് നെസ്ബിറ്റ്, കെൻ സ്റ്റോട്ട്, കേറ്റ് ബ്ലാൻചെറ്റ്, ഇയാൻ ഹോം, ക്രിസ്റ്റഫർ ലീ, ഹ്യൂഗോ വീവിംഗ്, ഏലിജ വുഡ്, ആൻഡി സെർക്കിസ്, സിൽവെസ്റ്റർ മക്കോയ്, ബാരി ഹംഫ്രിസ്, മനു ബെന്നെറ്റ് തുടങ്ങിയ വലിയ താരനിര ഈ ചിത്രത്തിൽ ഉൾപ്പെടുന്നു.

2012 നവംബറിൽ ന്യൂസിലണ്ടിൽ ഹോബിറ്റ്: ആൻ അൺ എക്സ്പെക്റ്റഡ് ജേർണി ആദ്യമായി പ്രദർശിപ്പിക്കുകയും 2012 ഡിസംബർ 12 ന് അന്താരാഷ്ട്രതലത്തിൽ പുറത്തിറങ്ങുകയും ചെയ്തു^[7]. ഈ ചിത്രം ബോക്സ് ഓഫീസിൽ നൂറു കോടി ഡോളർ വരുമാനം നേടി, ദ ഫെലോഷിപ്പ് ഓഫ് ദ റിങ്, ദ ത്രീ ടവർസ് എന്നീ ചിത്രങ്ങളെ മറികടന്നു. 2012 ൽ ഏറ്റവും കൂടുതൽ വരുമാനം നേടുന്ന നാലാമത്തെ ചിത്രവും എക്കാലത്തെയും മുപ്പത്തിഒന്നാം ചിത്രവുമായി. മികച്ച നിരൂപണം ലഭിച്ച ചിത്രം മികച്ച വിഷ്വൽ ഇഫക്റ്റുകൾ, മികച്ച പ്രൊഡക്ഷൻ ഡിസൈനുകൾ, മികച്ച മേക്കപ്പ്, ഹെയർസ്റ്റൈലിങിനുള്ള മൂന്ന് അക്കാദമി അവാർഡിന് നാമനിർദ്ദേശം ചെയ്യപ്പെട്ടു.^[8] മൂന്ന് ബ്രിട്ടീഷ് അക്കാദമി ഫിലിം അവാർഡുകൾക്കും നാമനിർദ്ദേശം ലഭിച്ചു.^[9]