നാട്ടുപൂത്താലി

താഴ്ന്ന പ്രദേശങ്ങളിൽ സാധാരണമായും കാടുകളിൽ അപൂർവ്വമായും കാണുന്നു. കായലുകൾ, ചതുപ്പുകൾ, തോടുകൾ,പുഴകൾ എന്നിവിടങ്ങളിൽ കൂടുതലായും കാണുന്നു. ജലാശയത്തിനു സമീപം സദാ വെട്ടി പറന്നുകൊണ്ടിരിക്കും. പുല്ലുകളിലും ഉണക്ക ചില്ലകളിലും താമര ഇലകളിലും മാറി മാറി ഇരിക്കാൻ ഇഷ്ടപെടുന്നു . ചെറിയ കൂട്ടങ്ങളായ് വസിക്കുന്ന ഇവയുടെ ആൺ തുമ്പികൾ തമ്മിൽ അധീന പ്രദേശങ്ങൾ ക്കായ് തർക്കങ്ങൾ ഉണ്ടാക്കാറുണ്ട് .മിക്കപ്പോഴും പെൺ തുമ്പികൾ ജലാശയത്തിനു അകലെ മാറിയാണ് കണ്ടു വരുന്നത്. വടക്ക് കിഴക്കന് മൺസൂൺ കാലത്ത് കൂട്ടമായ്‌ ദേശാടനം നടത്താറുണ്ട്‌.

ആൺ തുമ്പി :

കണ്ണുകളുടെ കീഴ്ഭാഗം ഇളം നീല നിറമാണ്‌. കണ്ണിനു മുകളിലായ് കറുത്ത തൊപ്പിയുണ്ട് . തലയിൽ കണ്ണുകൾ തമ്മിൽ ബന്ധിപ്പിക്കുന്ന കറുത്ത വരയും ഇളം നീല പൊട്ടുകളും ഉണ്ട്. ഉരസ്സിനു മുകൾ ഭാഗം കറുത്ത നിറവും അതിൽ നേർത്ത ഇളം നീല വരകളുമുണ്ട് . ഉരസ്സിന്റെ വശങ്ങളിൽ ഇളം നീല നിറമാണ്‌. ഇളം നീല നിറത്തിലുള്ള ഉദരത്തിൽ കറുത്ത വരകളും കലകളും ഉണ്ട് . സുതാര്യമായ ചിറകുകൾ ആണുള്ളത് .

പെൺ തുമ്പി

ഇളം പച്ച കണ്ണുകളുടെ മുകൾ ഭാഗം മഞ്ഞ നിറമാണ്‌. ഉരസ്സിനും ഉദരതിനും മങ്ങിയ പച്ച കലർന്ന നീല നിറമാണ്‌ . ഉരസ്സിനു മുകളിൽ തവിട്ട്‌ നിറമുള്ള വരകളും ഉദരത്തിന്റെ ഖണ്ഡങ്ങളുടെ മുകൾ ഭാഗത്ത്‌ കറുത്ത കലകളും ഉണ്ട്.

• ഇന്ത്യയിലെ തുമ്പികളുടെ പട്ടിക
• കേരളത്തിലെ തുമ്പികൾ

• Blue Riverdamsel - Pseudagrion microcephalum
• Australian Faunal Directory
• Query Results Archived 2008-06-07 at the Wayback Machine.

• നാട്ടുപൂത്താലി എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.

• നാട്ടുപൂത്താലി എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)