നേഹ മാർഡാ
ഇന്ത്യൻ ടെലിവിഷൻ സീരിയൽ രംഗത്തെ അഭിനേത്രിയും മോഡലുമാണ് നേഹ മാർഡാ (ജനനം:1985 സെപ്റ്റംബർ 23). കളേഴ്സ് ചാനലിൽ സംപ്രേഷണം ചെയ്യുന്ന ബാലികാ വധു എന്ന സീരിയലിലെ അഭിനയത്തിലൂടെ 'ഗെഹ്ന'(Gehna) എന്ന പേരിലാണ് ഇവർ പ്രശസ്തയായത്. സീ ടി.വി.യിലെ 'ഡോളി അർമാനോൻ കി'(Doli Armaanon Ki) എന്ന പരിപാടിയിലെ 'ഉർമി'(Urmi)യെ അവതരിപ്പിച്ചതും നേഹയായിരുന്നു.[1][2]
നേഹ മാർഡാ नेहा मरडा Neha Marda | |
---|---|
ജനനം | |
തൊഴിൽ | ടെലിവിഷൻ അഭിനേത്രി, മോഡൽ |
സജീവ കാലം | 2005 –മുതൽ |
ജീവിതപങ്കാളി(കൾ) | ആയുഷ്മാൻ അഗർവാൾ |
കുടുംബം
1985 സെപ്റ്റംബർ 23-നു കൊൽക്കത്തയിലായിരുന്നു നേഹ മാർഡാ ജനിച്ചത്. 2010 ഫെബ്രുവരി 10-ന് പാറ്റ്നയിലെ വ്യവസായിയായ ആയുഷ്മാൻ അഗർവാളുമായുള്ള വിവാഹം നടന്നു.[3] [4]
അഭിനയ ജീവിതം
കളേഴ്സ് ചാനലിൽ സംപ്രേഷണം ചെയ്യുന്ന 'ബാലികാ വധു' എന്ന പരമ്പരയിലെ ഗെഹ്ന എന്ന കഥാപാത്രത്തെ അവതരിപ്പിച്ചതിലൂടെ പ്രശസ്തയായി. ഈ പരമ്പര ഇതേ പേരിൽ തന്നെ മലയാളത്തിലേക്കു മൊഴിമാറ്റി സൂര്യാ ടി.വി.യിൽ സംപ്രേഷണം ചെയ്യുന്നുണ്ട്. മറ്റു ചില പ്രധാന സീരിയലുകളിലും നേഹ അഭിനയിച്ചിട്ടുണ്ട്.
ബൂഗി വൂഗി (Boogie Woogie), കബൂം (Kaboom) തുടങ്ങിയ നൃത്ത പരിപാടികളിലും നേഹയുടെ സാന്നിദ്ധ്യമുണ്ടായിരുന്നു.[5]
പങ്കെടുത്തിട്ടുള്ള പരിപാടികൾ
നേഹ മാർഡാ അഭിനയിച്ച പരമ്പരകളും കഥാപാത്രങ്ങളും.[6]
- ബാലികാ വധു (2008-2012) - ഗെഹ്ന ബസന്ത് സിങ്
- ജോ ഇഷ്ക് കി മർസി വോ റബ് കി (2009) - സുനൈന
- കിസ്മത്ത് കണക്ഷൻ (2008)
- ഏക് ഥി രാജ്കുമാരി (2008)[7]
- മംമ്ത (2006)
- സാഥ് രഹേഗാ ഓൾവെയ്സ് (2005)
- ഘർ ഏക് സപ്നാ (2005)
- ദേവോം കേ ദേവ്... മഹാദേവ് (2013) - വൃന്ദ
- ഡോലി അർമാനോൻ കി (2013-2015) - ഉർമി
- ജലക് ദിഖലാജാ 8 (2015)