നൈൽ ഡെൽറ്റ

നൈൽ നദി മെഡിറ്ററേനിയൻ കടലിലേക്ക്^[1] ചേരുന്ന അഴിമുഖം നൈൽ ഡെൽറ്റ (അറബി: دلتا النيل‬) എന്ന പേരിൽ അറിയപ്പെടുന്നു. ലോകത്തിലെ തന്നെ ഏറ്റവും വലിയ അഴിമുഖങ്ങളിൽ ഒന്നാണിത്. നൈൽ നദി കെയ്റോയിൽ എത്തുന്നതിന് തൊട്ടു മുൻപായി ആരംഭിക്കുന്ന^[2] നൈൽ ഡെൽറ്റ 160 കിലോമീറ്റർ നീളത്തിൽ അവസാനിക്കുന്നു. എന്നാൽ സമുദ്രതീരത്തായി അലക്സാണ്ട്രിയ മുതൽ പോർട്ട് സൈദ് വരെ 240 കിലോമീറ്റർ വിസ്താരത്തിലാണ് നദീതടം കിടക്കുന്നത്. ഇത് ഈജിപ്തിലെ വികസിതമായ കാർഷികമേഖലയായി നിലകൊള്ളുന്നു^[3].