ഫിലിപ്പീൻ പരുന്ത്

ലോകത്തിലെ ഏറ്റവും വലുതും ശക്തിയേറിയതുമായ^[2] പക്ഷികളിലൊന്നാണ്‌ ഫിലിപ്പീൻ പരുന്ത്. Pithecophaga jefferyi എന്ന ശാസ്ത്രീയനാമമുള്ള ഈ പരുന്ത് വലിയ ഫിലിപ്പീൻ പരുന്ത്, കുരങ്ങുതീനിപ്പരുന്ത് എന്നീ പേരുകളിലും അറിയപ്പെടുന്നു. ഈ പക്ഷി ഇന്ന് വംശനാശത്തിന്റെ വക്കിലാണ്‌. Accipitridae കുടുംബത്തിൽ പെടുന്ന ഈ പക്ഷിക്ക് പക്ഷിരാജാവ് എന്നർത്ഥം വരുന്ന Haribon, Haring Ibon എന്നീ പേരുകളുമുണ്ട്. ബനോഗ് എന്നാണ്‌ ഇതിന്റെ തദ്ദേശനാമം.^[3]

Philippine Eagle
പരിപാലന സ്ഥിതി
ഗുരുതരമായ വംശനാശത്തിന്റെ വക്കിൽ  (IUCN 3.1)[1]
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Aves
Order:	Falconiformes (or Accipitriformes, q.v.)
Family:	Accipitridae
Genus:	Pithecophaga Ogilvie-Grant, 1897
Species:	P. jefferyi
Binomial name
Pithecophaga jefferyi Ogilvie-Grant, 1897
കാണപ്പെടുന്ന പ്രദേശങ്ങളുടെ ഭൂപടം

1896-ൽ ഇംഗ്ലീഷ് പര്യവേക്ഷകനായ ജോൺ വൈറ്റ്ഹെഡാണ്‌ ഈ പരുന്തുവർഗ്ഗത്തെ ആദ്യമായി നിരീക്ഷിച്ചത്. പരുന്തിനെ ആദ്യമായി നിരീക്ഷിച്ച ബോങ്കയിലെ തദ്ദേശവാസികൾ ഈ പക്ഷി കുരങ്ങുകളെ മാത്രമേ ഭക്ഷിക്കൂ എന്നായിരുന്നു പറഞ്ഞിരുന്നത്. ഇതനുസരിച്ച് കുരങ്ങുതീനിപ്പരുന്ത് എന്നാണ്‌ ഈ പക്ഷിക്ക് ആദ്യം പേരിട്ടത്. ശാസ്ത്രനാമത്തിലെ ജീനസ് നാമവും ഇങ്ങനെ ഉണ്ടായതാണ്‌ (Pithecophage = കുരങ്ങുതീനി).^[4] എന്നാൽ മറ്റ് ജന്തുക്കളെയും പരുന്ത് തിന്നുമെന്ന് പിന്നീട് മനസ്സിലായതിനാലും മറ്റ് പരുന്തുകളെയും ഈ നാമം കൊണ്ട് വിവക്ഷിച്ചിരുന്നെന്നതിനാലും 1978-ൽ പേര് ഫിലിപ്പീൻ പരുന്ത് എന്നാക്കി മാറ്റി. 1995-ൽ ഈ പരുന്തിനെ ഫിലിപ്പീൻസ് ഒരു ഔദ്യോഗികചിഹ്നമായി പ്രഖ്യാപിച്ചു. ഈ സ്പീഷീസിന് മറ്റ് ഉപസ്പീഷീസുകളൊന്നുമില്ല.^[5]