ബോധി ധർമ്മൻ

Bodhidharma, woodblock print by Yoshitoshi, 1887.
Names (details)
Known in English as:	Bodhidharma
Tamil:	போதிதர்மன்
Known in Malayalam as:	ബോധി ധർമ്മൻ
Telugu:	భోధిధర్మా
Sanskrit:	बोधिधर्म
Persian:	بودی‌دارما
Simplified Chinese:	菩提达摩
Traditional Chinese:	菩提達摩
Chinese abbreviation:	達摩
Hanyu Pinyin:	Pútídámó
Wade–Giles:	P'u-t'i-ta-mo
Tibetan:	Dharmottāra
Korean:	달마 Dalma
Japanese:	達磨 Daruma
Malay:	Dharuma
Thai:	ตั๊กม๊อ Takmor
Vietnamese:	Bồ-đề-đạt-ma

അഞ്ചാം നൂറ്റാണ്ടിലോ/ആറാം നൂറ്റാണ്ടിലോ ജീവിച്ചിരുന്നു എന്നു കരുതപ്പെടുന്ന ഒരു ബുദ്ധ സന്യാസിയായിരുന്നു ബോധിധർമ്മൻ. ചൈനയിൽ സെൻ മതം ആരംഭിച്ചതും പ്രചരിപ്പിച്ചതും ഇദ്ദേഹമാണെന്ന് വിശ്വസിക്കപ്പെടുന്നു. പല്ലവ രാജവംശത്തിലെ മൂന്നാമത്തെ രാജകുമാരനായിരുന്നു ഇദ്ദേഹം.^[1][2] ചൈനീസ് വിശ്വാസപ്രകാരം ഷാഓലിൻ കുങ് ഫൂ ആരംഭിച്ചതും പ്രചരിപ്പിച്ചതും ബോധി ധർമ്മനാണ്.

ഇദ്ദേഹത്തിന്റെ ജീവചരിത്രത്തെക്കുറിച്ച് വിരുദ്ധസ്വഭാവമുള്ള നിരവധി വിവരങ്ങൾ പ്രചാരത്തിലുണ്ട്. അതിലൊന്ന് ഇദ്ദേഹം തെക്കേ ഇന്ത്യയിലെ രാജവംശത്തിൽ പെടുന്ന ഒരു ബ്രാഹ്മണനായിരുന്നുവെന്നതാണ്.^{[3] [4]} പക്ഷേ, ബ്രൗട്ടൻ (1999:2) harv error: no target: CITEREFബ്രൗട്ടൻ1999 (help) രേഖപ്പെടുത്തുന്നത് രാജകുടുംബത്തിലായിരിന്നതു കൊണ്ടു തന്നെ, ഇന്ത്യൻ ജാതി വ്യവസ്ഥ പ്രകാരം ബ്രാഹ്മണനാകാൻ സാദ്ധ്യതയില്ലെന്നും ക്ഷത്രിയനാകാനാണു സാദ്ധ്യതയെന്നുമാണ്. ഇദ്ദേഹത്തിന്റെ ജന്മസ്ഥലത്തെക്കുറിച്ചും വിവിധ അഭിപ്രായങ്ങൾ നിലനിൽക്കുന്നുണ്ട്. ഇദ്ദേഹത്തിന്റെ ജന്മസ്ഥലം തമിഴ്‌നാട്ടിലെ കാഞ്ചീപുരമാണെന്നതാണ് ഇതിൽ പ്രബലമായൊരു വാദം.^{[5][6][7][8][9][10][11]} ഇതോടൊപ്പം തന്നെ ബോധിധർമ്മനെ കേരളവുമായി ബന്ധപ്പെടുത്തിയുള്ള വാദങ്ങളും നിലവിലുണ്ട്. ഒരു കാലത്ത് കേരളത്തിൽ ബുദ്ധമതത്തിന് ഉണ്ടായിരുന്ന സ്വാധീനവും ഇവിടുത്തെ തനതു ആയോധനകലയായ കളരിപ്പയറ്റിലെയും ഇദ്ദേഹം സ്ഥാപിച്ചതായി കരുതപ്പെടുന്ന ഷാഓലിൻ കുങ് ഫൂവിലെയും ആയോധനാ സമ്പ്രദായങ്ങൾ തമ്മിലുള്ള സാദൃശ്യങ്ങളും ഈ വാദങ്ങൾക്ക് ഉപോദ്‌ബലങ്ങളാകുന്നു.^[12][13]