സത്യമേവ ജയതേ

സത്യമേവ ജയതേ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ സത്യമേവ ജയതേ (വിവക്ഷകൾ) എന്ന താൾ കാണുക.

"സത്യമേവ ജയതേ" (സംസ്കൃതം: सत्यमेव जयते, ഇംഗ്ലീഷ്: "Truth Alone Triumphs") എന്നത് ഭാരതത്തിന്റെ ദേശീയ മുദ്യാവാക്യം ആകുന്നു.^[1]. ഭാരതത്തിന്റെ ദേശീയചിഹ്നത്തിന്റെ ചുവട്ടിൽ ദേവനാഗരി ലിപിയിൽ ഇത് ആലേഖനം ചെയ്തിരിക്കുന്നു. ഉത്തർപ്രദേശിലെ വാരണാസിക്കടുത്തുള്ള സാരനാഥിൽ സ്ഥാപിച്ചിരുന്ന അശോകസ്തംഭത്തിന്റെ മാതൃകയിലാണ് ഭാരതത്തിന്റെ ദേശീയ ചിഹ്നം. സത്യമേവ ജയതേ എന്ന മുദ്രാവാക്യം മുണ്ഡകോപനിഷത്തിലെ പ്രശസ്തമായ മന്ത്രം- 3.1.6ൽ നിന്നുള്ളതാണ്. ^[1]. മന്ത്രത്തിന്റെ പൂർണരൂപം ചുവടെ.

സത്യമേവജയതേ നാനൃതം
സത്യേന പന്ഥാ വിതതോ ദേവയ:|
യേന കർമന്ത്യർഷയോ ഹ്യാപ്തകാമാ
യത്ര തത് സത്യസ്യ പരമം നിദാനം ||^[2]

അർത്ഥം:

സത്യം മാത്രം ജയിക്കന്നു; അനൃതം അല്ല.
സത്യമാകുന്ന പന്ഥാവിലൂടെയാണ് മഹത്തുക്കൾ ദേവപദം പ്രാപിക്കുന്നത്,
എല്ലാ ആഗ്രഹങ്ങളും പൂർത്തീകരിച്ച്
പരമസത്യത്തെ പ്രാപിക്കുന്നത്.^[3]

സത്യമേവ ജയതേ - സത്യം മാത്രം ജയിക്കുന്നു.