സുശാന്തിക ജയസിംഗെ

100 മീറ്റർ, 200 മീറ്റർ ഓട്ടത്തിൽ ഒളിമ്പിക് മെഡൽ ജേതാവായിരുന്ന ശ്രീലങ്കൻ ഓട്ടക്കാരിയാണ് സുശാന്തിക ജയസിംഗെ (ജനനം: ഡിസംബർ 17, 1975). ദരിദ്രകുടുംബത്തിൽ ജനിച്ച് വളർന്ന് ലോകചാമ്പ്യൻപട്ടം കീഴടക്കിയ ചരിത്രമാണ് സുശാന്തികയുടേത്.

സുശാന്തിക ജയസിംഗെ

Medal record
Representing  ശ്രീലങ്ക
Women's athletics
Olympic Games
	2000 Sydney	200 m
World Championships
	1997 Athens	200 m
	2007 Osaka	200 m

ശ്രീലങ്കയിലെ അത്നാവാലയിൽ 1975 ഡിസംബർ 17-നാണ് സുശാന്തിക ജനിച്ചത്. ആവശ്യത്തിന് കായികോപകരണങ്ങളോ പരിശീലകനോ ഇല്ലാതെയാണ് സുശാന്തികയുടെ ആദ്യകാല കായികജീവിതം ആരംഭിക്കുന്നത്. 1997-ലെ ലോക അത്ലറ്റിക് ചാമ്പ്യൻഷിപ്പിൽ 200 മീറ്ററിൽ സ്വർണ്ണം നേടിയ ശേഷം ഇവർ അമേരിക്കയിലേക്ക് മികച്ച പരിശീലനത്തിന് പോയി.

2000-ലെ ഒളിമ്പിക്സിൽ 200 മീറ്ററിൽ മരിയൻ ജോൺസിൻറെയും പോളിന ഡേവിസ്-തോംപ്സന്റെയും പിന്നിൽ മൂന്നാമതായി ഓടിയെത്തിയ സുശാന്തിക 1948-നു ശേഷം ശ്രീലങ്കയിലേക്ക് ആദ്യമായി ഒളിമ്പിക് മെഡൽ എത്തിച്ചു. 2007 ഒക്ടോബർ 5-ന് ഈ ഇനത്തിൽ സ്വർണ്ണം നേടിയ മരിയൺ ജോൺസ് ഉത്തേജകമരുന്ന് ഉപയോഗിച്ചിരുന്നു എന്ന് വെളിപ്പെട്ടതിനെത്തുടർന്ന് അവരുടെ മെഡൽ തിരിച്ചുവാങ്ങുകയുണ്ടായി. അതോടെ സുശാന്തികയുടെ വെങ്കലനേട്ടം വെള്ളിമെഡലായി മാറുകയും ചെയ്തു.

ഇതുകൂടാതെ 2007-ലെ ഏഷ്യൻ അത്ലറ്റിക് ചാമ്പ്യൻഷിപ്പിൽ 100 മീറ്റർ, 200 മീറ്റർ ഓട്ടത്തിൽ സ്വർണ്ണം സുശാന്തിക നേടുകയുണ്ടായി. 2007 ലോക അത്ലറ്റിക് ചാമ്പ്യൻഷിപ്പിലെ 200 മീറ്റർ ഓട്ടത്തിൽ വെങ്കല മെഡലും നേടിയിട്ടുണ്ട്.