റിഗോബെർതാ മെൻചു തും

മധ്യ അമേരിക്കയിലെ ഗ്വാട്ടിമാലയിൽ 1959 ജനവരി 9ന് ദരിദ്ര കാർഷിക കുടുംബത്തിലാണ് റിഗോബെർത ജനിച്ചത്. മാതാപിതാക്കൾ മായൻ സംസ്കാരമുറകൾ അനുസരിച്ചു പോന്ന റെഡ്‌ ഇന്ത്യൻവംശജരായിരുന്നു. കൗമാരപ്രായത്തിൽത്തന്നെ റിഗോബെർത കത്തോലിക്ക ക്രൈസ്തവ സഭയുടെ നേതൃത്വത്തിൽ നടന്നു വന്നിരുന്ന സാമുഹ്യ പ്രവത്തനങ്ങളിൽ സജീവമായി പങ്കെടുത്തു.സ്ത്രീകളുടെ അവകാശങ്ങൾ നേടിയെടുക്കുന്നതിനൊപ്പം പല പരിഷ്കരണങ്ങളും നടപ്പിലാക്കാൻ മുൻകൈയെടുത്തു. ഇതു കാരണം റിഗോബെർതക്കും കുടുംബത്തിനും നിരവധി പീഡനങ്ങൾ സഹിക്കേണ്ടി വന്നു. 1981-ൽ റിഗോബെർതക്ക് ഒളിവിൽ പോകേണ്ടിവന്നു, പിന്നീട് അതിർത്തി കടന്ന് മെക്സിക്കോയിലേക്ക് രക്ഷപ്പെട്ടുവെങ്കിലും ഗ്വാട്ടിമാലക്ക് സവിശേഷമായും ഇന്ത്യ വംശജർക്കുപൊതുവായുമുളള തന്റെ സംഘർഷങ്ങൾ തുടർന്നുകൊണ്ടുപോയി.^[1]. ^[2]

ഭൂവുടമകളുമായും ഭരണാധികാരികളുമായും ആശയവിനിമയം നടത്തുന്നതിന് സ്പാനിഷ് പഠിച്ചു. My Name is Rigoberta Menchu and this is how my Conscience was Born( "Me llamo Rigoberta Menchú y así me nació la conciencia"), ഞാൻ റിഗോബെർതമെഞ്ചു: ഗ്വാട്ടിമാലയിലെ അമേരിന്ത്യൻ പോരാളി എന്ന പേരിൽ അവരുടെ ആത്മഭാഷണങ്ങൾ വെനസ്വേലൻ സാമൂഹ്യശാസ്ത്രജ്ഞയും എഴുത്തുകാരിയുമായ എലിസബത്ത് ബർഗോസ് ദിബ്രെ പ്രസിദ്ധപ്പെടുത്തിയിട്ടുണ്ട്. മലയാളത്തിൽ ഞാൻ റിഗോബെർതമെഞ്ചു: ഗ്വാട്ടിമാലയിലെ അമേരിന്ത്യൻ പോരാളി എന്ന പേരിൽ പ്രസിദ്ധീകരിച്ചിട്ടുണ്ട്. ഈ ഗ്രന്ഥത്തിൽ വികസനത്തിന്റെപേരിൽ ഭരണാധികാരികൾ ഗോത്രവർഗത്തെ ഉന്മൂലനംചെയ്യുന്നതിനെക്കുറിച്ചു റിഗോബെർത വിവരിക്കുന്നു.