အာကာသယာဉ်မှူး

အာကာသယာဉ်မှူး ဆိုသည်မှာ လူစီးနင်း လိုက်ပါသည့် အာကာသယာဉ် ပရိုဂရမ် မှ လေ့ကျင့်သင်ကြားထားသော ပုဂ္ဂိုလ်ဖြစ်ပြီး အာကာသယာဉ် တွင် ကွပ်ကဲ မောင်းနှင်ရန် သို့မဟုတ် အမှုထမ်းအဖြစ် တာဝန်ထမ်းဆောင်ရန် ဖြစ်သည်။ ထိုအသုံးအနှုန်းအား ပရော်ဖက်ရှင်နယ် အာကာသ ခရီးသွားသူများအတွက်သာ သုံးနှုန်းလေ့ ရှိသော်လည်း တစ်ခါတစ်ရံတွင် အာကာသ အတွင်း ခရီးသွားသော သိပ္ပံပညာရှင်များ၊ နိုင်ငံရေးသမားများ၊ စာနယ်ဇင်းသမားများနှင့် ခရီးသွား ဧည့်သည်များ အတွက် အသုံးပြုလေ့ ရှိသည်။^{[၁] [၂]}

၂၀၀၂ ခုနှစ်အထိ အာကာသယာဉ်မှူးများကို အစိုးရနှင့် ဆက်စပ်နေသာ စစ်တပ်မှသော်လည်းကောင်း၊ အရပ်ဘက် အာကာသအေဂျင်စီများမှ သော်လည်းကောင်း ကမကထပြု လေ့ကျင့်ခဲ့သည်။ ၂၀၀၄ ခုနှစ်တွင် ပုဂ္ဂလိကမှ ငွေကြေး စိုက်ထုတ်ထားသော ထားသော စပေ့ရှစ်ဝမ်း ၏ ကမ္ဘာပတ်လမ်းကြောင်း တစ်ဝက်တစ်ပျက် ပျံသန်းမှုနှင့်အတူ အာကာသယာဉ်မှူး အမျိုးအစားအသစ်ဖြစ်သော စီးပွားဖြစ်အာကာသယာဉ်မှူး များ ပေါ်ပေါက်လာခဲ့သည်။