Gertrude Belle Elion

Gertrude Belle Elion (* 23. Januar 1918 in New York; † 21. Februar 1999 in Chapel Hill, North Carolina) weer en US-amerikaansch Biochemikerin un Pharmakologin.

Gertrud Elion hett siet 1966 de Afdeelen för experimentelle Therapie vun de Wellcome-Laboratorien leit.

Se hett tosommen mit George Herbert Hitchings völ nee pharmakologisch Wirkstoffen entwickelt:

Diaminopurin (1948), en Zytostatikum
Tioguanin (1950), en Zytostatikum
Mercaptopurin (1951), en Zytostatikum to’n Behanneln vun Leukämie
Azathioprin (1957), dat eerste Immunsuppressivum för Organ-Transplantatschonen
Allopurinol (1963) to’n Behanneln vun Gicht
Pyrimethamin (1950), en Diaminopyrimidin to’n Behanneln vun Malaria
Trimethoprim (1956), en Diaminopyrimidin to’n Behanneln vun bakteriellen Infektschonen
Aciclovir (1977) to’n Behanneln vun Herpes simplex
Zidovudin (1985) to’n Behanneln vun AIDS

Tosommen mit George Herbert Hitchings un James Whyte Black kreeg se 1988 den Nobelpries för Physiologie oder Medizin för hör Opdeckungen to wichtig biocheemsch Prinzipien vun de Arzneimiddeltherapie.

Literatur

Birgit Sickenberger: Die wahre Belohnung ist die Heilung von Patienten in Charlotte Kerner (Hrsg): Madame Curie und ihre Schwestern - Frauen, die den Nobelpreis bekamen, Beltz Verlag, Weinheim und Basel 1997, ISBN 3-407-80845-3