Gertrud Elion
Gertrud Elion(23 yanvar 1918[3][4][…], Nyu-York ştatı – 21 fevral 1999[3][4][…]) — Amerikalı biokimyaçı və farmakoloq. 1988-ci ildə Fiziologiya və ya tibb üzrə "Nobel" mükafatını alıb. Bir çox yeni dərmanlar hazrlayıb. İstifadə etdiyi innovativ tədqiqat üsulları sonradan QİÇS'ə qarşı mübarizə aparan zidovudinin hazırlanmasına səbəb olub.
| Gertrud Elion | |
|---|---|
| Gertrude Belle Elion | |
.jpg) | |
| Doğum adı | Gertrude Elion |
| Doğum tarixi | |
| Doğum yeri | Nyu-York |
| Vəfat tarixi | (81 yaşında) |
| Vəfat yeri | Şimali Karolina |
| Elm sahələri | farmakologiya, biokimya |
| İş yeri | |
| Təhsili |
|
| Elmi rəhbəri | George Hitchings |
| Üzvlüyü | |
| Mükafatları |   |
| nobelprize.org/prizes/me… | |
 Vikianbarda əlaqəli mediafayllar | |
Həyatı
Nyu-Yorkda immiqrant valideynlər üçün anadan olmuş Gertrud Elion ilk gəncliyini atasının diş həkimi olduğu Manhettendə keçirib. Qardaşı dünyaya gələndə ailə Bronksa köçüb. 15 yaşında Nyu-York şəhərindəki Hunter Kollecinə daxil olub və 19 yaşında kimya fakültəsini əla qiymətlərlə bitirib. O, məzun olduqdan sonra iş tapmaqda çətinlik çəkib. Laborator kimi iş tapıb və Nyu-York Universitetinə qayıdıb. Elion 1941-ci ildə magistr dərəcəsi üzrə işi bitirərkən bir neçə il liseydə əvəzedici müəllim kimi çalışıb. O, heç vaxt doktorluq dərəcəsi almasada, sonradan fəxri Fəlsəfə doktoru adına layiq görülüb. Nyu-York Politexnik Universitetində və Harvard Universitetinin fəxri Elmlər doktoru dərəcəsi var.[5]
Kimyaçı kimi karyerası
İkinci Dünya Müharibəsinin başlaması sənayedə qadınlar üçün daha çox imkanlar yaradıb. Elion 1944-cü ildə Burroughs-Wellcome-da (indiki GlaxoSmithKline) işə götürülməzdən əvvəl qida və istehlak məhsulları şirkətlərində keyfiyyətə nəzarət üzrə bir neçə iş əldə edə bilib. Burada Dr. Corc Hitçinqs ilə 40 illik əməkdaşlığa başlayıb.[6]