आदित्य रोय कपूर
आदित्य रोय कपूर (जन्म १६ नोभेम्बर १९८५) एक भारतीय चलचित्र अभिनेता हुन् जो हिन्दी भाषाका चलचित्रहरूमा काम गर्छन्। उनले सन् २००९ को चलचित्र 'लन्डन ड्रिम्स'बाट बलिउडमा पदार्पण गरेका थिए तर उनी सन् २०१३ को चलचित्र 'आशिकी २'बाट प्रख्यात भएका थिए। उनी बलिउड चलचित्र निर्माता सिद्धार्थ रोय कपूर र अभिनेता कुणाल रोय कपूरका कान्छा भाई र अभिनेत्री विद्या बालनका देवर हुन्।
आदित्य रोय कपूर | |
---|---|
जन्म | बम्बई, महाराष्ट्र, भारत | १६ नोभेम्बर १९८५
शिक्षा | सेन्ट जेभियर कलेज, मुम्बई |
पेशा |
|
कार्यकाल | सन् २००९–वर्तमान |
आफन्त | हेर्नुहोस् रोय कपूर परिवार |
प्रारम्भिक जीवन र पृष्ठभूमि
कपूरको जन्म एक पञ्जाबी हिन्दू पिता,[१] कुमुद रोय कपूर र एक यहुदी आमा सलोम आरोनको लागि १६ नोभेम्बर १९८५ मा[२] मुम्बईमा भएको थियो।[३] उनका हजुरबुबा, रघुपत राय कपूर सन् १९४० को दशकको सुरुमा एक चलचित्र निर्माता थिए।[४][५][६] कपूर तीन भाइहरूमध्ये कान्छा हुन्- उनका जेठा दाइ, सिद्धार्थ रोय कपूर, युटिभी मोसन पिक्चर्सका प्रमुख कार्यकारी अधिकृत थिए र उनको विवाह अभिनेत्री विद्या बालनसँग भएको छ। उनका दोस्रो जेठा दाइ कुणाल रोय कपूर पनि एक अभिनेता हुन्।[७]
उनका मातृ हजुरबा हजुरआमा, साम र रुबी आरोन योग्य नृत्य शिक्षकहरू थिए जसले भारतमा समा नृत्य परिचय गराएका थिए।[५] उनले मुम्बईको कफ परेडस्थित जिडी सोमानी मेमोरियल स्कूलबाट स्कूली शिक्षा हासिल गरेका थिए, जहाँ उनका सबै दाजुभाइले अध्ययन गरेका थिए र उनकी आमाले स्कूल नाटकहरू निर्देशित गरेकी थिइन्।[५] कपूर कक्षा ११ मा सेन्ट जेभियरमा भर्ना भएका थिए, तर असफल भएका थिए। एक वर्ष गुमाउनबाट बच्न उनले सेन्ट एन्ड्रयु कलेजमा भर्ना गर्नुपरेको थियो।[३] त्यसपश्चात, उनी मुम्बई विश्वविद्यालयसँग सम्बद्ध सेन्ट जेभियर कलेजबाट स्नातक भएएका थिए।[२] स्कूली वर्षहरूमा उनी क्रिकेटर बन्न चाहन्थे तर उनले छैठौं कक्षा पछि क्रिकेट कोचिङ कक्षा छोडेका थिए।[८]
सन्दर्भ सामग्रीहरू
बाह्य कडीहरू
- इन्टरनेट चलचित्र डेटाबेसमा आदित्य रोय कपूर
- डिएनए इन्डियामा आदित्य रोय कपूर
- बलिउड हङ्गामामा आदित्य रोय कपूर