कान्तिपुर टेलिभिजन

कान्तिपुर टेलिभिजन
स्थापना	२०६० असार २९
नारा	उच्च दृष्टिकोण
मुख्यालय	काठमाडौँ, नेपाल
स्वामित्व	कान्तिपुर पब्लिकेसन्स (प्रा.) लि.
देश	नेपाल
भाषा	नेपाली, अङ्ग्रेजी
प्रसारण क्षेत्र	विश्वभर
वेबसाईट	www.kantipurtv.com
उपलब्ध	डिस होम (च्यानल १३१)

कान्तिपुर टेलिभिजन नेपालको निजी क्षेत्रको एक टेलिभिजन स्टेसन हो। यसका अध्यक्ष तथा प्रबन्ध निर्देशक कैलाश सिरोहिया हुन्। केटीभीसँग स्थलीय र उपग्रह प्रसारणको लागि इजाजतपत्र छ।कान्तिपुर टेलिभिजनको मुख्य कार्यालय काठमाडौँको तीनकुने, सुविधानगरमा अवस्थित छ।विसं २०६० असार २९ गते विधिवत् प्रसारण आरम्भ गरेको कान्तिपुर टेलिभिजन २०६८ देखि अटोमेसन प्रविधिमा स्तरोन्नति भएको थियो ।^[१] कान्तिपुर टीभीले हाल हाइ डेफिनेसन प्रविधि (एचडी)लाई अवलम्बन गरेको छ । २०७४ मंसिर २७ गतेदेखि एचडी प्रविधिबाट विश्वका एक सयभन्दा बढी मुलुकमा प्रसारण भइरहेको कान्तिपुर टिभी युट्युब च्यानल र अनलाइनमा समेत हेर्न सकिन्छ।^[२]

कम्पनीले अर्को भगिनी च्यानल फेब्रुअरी २०१५ देखि कान्तिपुर गोल्ड चलाएको थियो । तथापि, कान्तिपुर गोल्ड च्यानल २०१६ डिसेम्बरदेखि बन्द छ । कान्तिपुर टीभीले डिसेम्बर २०१७ देखि एचडी गुणस्तरमा प्रसारण गर्न सुरू गरेको हो ।