कुमार संगाकारा

संगाकाराको जन्म १९७७ मा मटालेमा कुमारी र चोकशानडा संगाकाराको घरमा भएको हो । संगाकाराले केन्डी कलेज, ट्रिनिटीबाट शिक्षा प्राप्त गरेका थिए ।^[२] उनले आफ्नो विद्यालयमा क्रिकेट र टेनिस दुवै खेलमा आफ्नो प्रतिभा दर्शाएका थिए जसले गर्दा उनको शिक्षक लियोनार्ड डी अल्विसले संगाकाराको आमालाई संगाकारालाई क्रिकेट खेल्न प्रोत्साहित गर्न सल्लाह दिएका थिए ।^[२] उनले आफ्नो खेलको सुरुवात १३ बर्सको उमेरमा पनंडा जयसुन्देरासँग सुरु गरेका थिए । ^[३]

संगाकाराले एउटा ब्याट्सम्यानको रूपमा आफ्नो क्रिकेट करियरको सुरूवात गरे तर पछि उनी एउटा सफल विकेटकिपर बनेका हुन् । उनी श्रीलङ्का टिमको एउटा विशेषज्ञ ब्याट्सम्यानको रूपमा चिनिन्छन् र अन्य खेलाडीलाई क्रिकेटको ज्ञान दिने गरेका छन् । एकदिवसीय अन्तर्राष्ट्रिय र ट्वान्टी२० क्रिकेटमा उनी श्रीलङ्काको विकेटकिपरको रूपमा हालसम्म खेल्दै छन् । संगाकारालाई आईसीसी अलटाइम टेस्ट ब्याट्सम्यान क्रमाङ्कमा छैठौं स्थानमा राखेको थियो । उनले २०१४ को आईसीसी विश्वकप टि-२० प्रतियोगिता जितेका छन र २००७ क्रिकेट विश्वकप, २०११ क्रिकेट विश्वकप, २००९ आइसिसी वर्ल्ड ट्वान्टी२० र २०१२ मा आइसिसी वर्ल्ड ट्वान्टी-२०को अन्तिम टिमको एक प्रमुख सदस्य थिए । उनले सो आइसिसी विश्वकप ट्वान्टी-२० मा म्यान अफ द म्याच जितेका थिए ।

{{Commonscat|Kumar Sangakara