प्लेयर अफ द म्याच

फुटबलमा, म्यान अफ द म्याच सामान्यतः विजेता टोलीको खेलाडीलाई प्रदान गर्ने गरिन्छ। ह्याट्रिक गर्ने खेलाडी वा दवाबको बेलामा गोल बचाउने गोलरक्षकलाई यो पुरस्कार प्रदान गरिन्छ ।

क्रिकेटमा, म्यान अफ द म्याच अवार्ड टेस्ट म्याचको १९८० को दशकको मध्यबाट नियमित भएको थियो।^[१] म्यान अफ द म्याच उपाधी खेल जित्नको लागी महत्वपूर्ण योगदान रहेका खेलाडीलाई प्रदान गरिन्छ।

३ अप्रिल १९९६ मा भएको एक खेलमा, न्युजिल्यान्डको पुरै टिमलाई नै म्यान अफ द म्याचको उपाधी दिइएको थियो। पुरै टिमलाई नै म्यान अफ द म्याच प्रदान गरिएको यो पहिलो घटना थियो।^[२] १५,१६,१७,१८ जनवरी १९९९ मा, दक्षिण अफ्रिका र वेस्ट इन्डिज बीचको खेलमा, पुरै दक्षिणी अफ्रिकाको टिमलाई म्यान अफ द म्याच पुरस्कृत गरिएको थियो। ^[३]

टेस्ट म्याचमा, ज्याक कालिसले सर्वाधिक म्यान अफ द म्याच उपाधी जितेका छन्। उनले १६६ खेलमा २३ पटक जितेका छन्। ^[१] एक दिवसीय ओडिआइमा, सचिन तेन्दुलकरले ४६३ खेलमा सर्वाधिक ६२ पटक जितेका छन्।^[४] तेन्दुलकरको पछाडी सनथ जयसुर्या र रिकी पोन्टिङले क्याप्टेनको रुपमा सर्वाधिक म्यान अफ्द म्याच बनेका छन्।^[५] छोटो संस्करणमा, टि२० मा, सहिद अफ्रिदीले ९९ खेलमा ११ पटक जितेर यो रेकर्ड कायम गरेका छन्।