त्यसरी होस् मरण
"त्यसरी होस् मरण" राष्ट्रकवि माधवप्रसाद घिमिरेद्वारा लिखित र कर्णदासको स्वर रहेको एउटा गीत हो। यस गीत घिमिरेको मृत्युको दिनमा प्रकाशित भएको थियो।[१]
परिप्रेक्ष्य
"त्यसरी होस् मरण" वि.सं. २०१६ असोज १ गते माधवप्रसाद घिमिरेको काव्य पुस्तक किन्नर-किन्नरीमा प्रकाशित भएको थियो।[२] घिमिरेको अन्तिम इच्छा थियोकी यो कवितालाई गीतमा परिणत गर्ने र यस गीत मात्र उनको मृत्यु पछि मात्र प्रकाशन गर्दिने।[२][३] घिमिरेले आफ्नी छोरी शान्तिलाई भनेका थिएकी "यो गीत तिमीहरू सङ्गीतबद्ध गरेर राख्नू। मलाई सुनाउनु पनि पर्दैन। जब मेरो मृत्यु हुन्छ, त्यसपछि यसलाई सार्वजनिक गर्नू"।[२] उनकी छोरीले उनको इच्छा अनुसार यो कीर्तिलाई गायक कर्णदासलाई यो गीत गाउन भनेकी थिइन् र सङ्गीतकार आशिष अविरलले सङ्गीत भरेका थिए।[४][५]
प्रकाशन
१०१ वर्षको उमेरमा राष्ट्रकवि माधवप्रसाद घिमिरेको मृत्यु वि.सं. २०७७ भदौ २ गते काठमाडौँस्थित आफ्नै निवासमा भयो।[२] त्यही गीत उनको मृत्युको दिनमा प्रकाशित भएको थियो।[६]
आबद्ध समूहहरू
स्रोत[२]
- लेखक - माधवप्रसाद घिमिरे
- सङ्गीत परिकल्पना- शान्ति अधिकारी
- सङ्गीत रचना तथा एरेन्जर- आशिष अविरल
- गायक- कर्ण दास
- बाँसुरी- गोपाल घटानी
- डम्फु, मादल र तबला- भुवन गन्धर्व
- सारंगी- हेमन्त कान्छा रसाइली
- गितार- सञ्जीव बराइली
- बेस गितार- अनुप दास
- भायोलिन समूह- नोर्बू छिरिङ आप्पा, मोहनकृष्ण कार्की दली, गणेश परियार, मनोहर सुनाम र रविन कार्की दली
- रेकर्डिङ, मिक्सिङ र मास्टरिङ- एचबिएन किस्मत
- निर्माता- शान्ति शर्मा अधिकारी, अशेषकान्त शर्मा र मन्दिरा ढुंगेल