पाणिनी गाउँपालिका
पाणिनी गाउँपालिका अर्घाखाँची जिल्लामा पर्ने एउटा पहाडी गाउँपालिका हो। यसको केन्द्र साविकको खिदीम गाविसको कार्यालय हो। [१][२] वि.सं. २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह लागू गर्दा अर्घाखाँची जिल्लामा साविकका चिदीकाको वडा नं. ९, पालीको (१-८) वडाहरू, पणेना, खिदीम, पोखराथोक, पटौटी, मैदान, धातिवाङ र अडगुरी गाउँ विकास समितिहरूलाई समेटेर पाणिनी गाउँपालिका घोषणा गरिएको थियो।[३][४] पाणिनी गाउँपालिकको कूल जनसङ्ख्या २६,४२४ रहेको छ भने यसको क्षेत्रफल १५१.४२ वर्गकिलोमिटर रहेको छ। यो गाउँपालिका ८ वडाहरूमा विभाजन गरिएको छ।[५] पाणिनि तपोभूमि (पणेना), साततले गुफा, मालिका मन्दिर, खिदीम, आलम देवीको मन्दिर,पालीको पन्थीटोलमा रहेको देविस्थान मन्दिर आदि यहाँका प्रमुख पर्यटकीय स्थलहरू हुन । यहाँ हरिहर मावि, कमला मावि, कृष्ण मावि र शिवमदन मावि लगायतका विद्यालय छन्। पाणिनी गाउँपालिकाको पूर्वमा गुल्मी र पाल्पा जिल्ला, उत्तरमा छत्रदेव गाउँपालिका, पश्चिममा सन्धिखर्क र शीतगङ्गा नगरपालिका र दक्षिणमा शीतगङ्गा नगरपालिका र पाल्पा जिल्लासँग जोडिएको छ।[६]
पाणिनी गाउँपालिका पाणिनी गाउँपालिका | |
---|---|
निर्देशाङ्क: २७°५४′३६″उ॰ ८३°१६′४८″पू॰ / २७.९१०००°N ८३.२८०००°E ८३°१६′४८″पू॰ / २७.९१०००°N ८३.२८०००°E | |
देश | नेपाल |
प्रदेश | लुम्बिनी |
जिल्ला | अर्घाखाँची |
वडा सङ्ख्या | ८ |
स्थापित | २०७३ फागुन २७ |
सरकार | |
• अध्यक्ष | टेकराज न्यौपाने |
• उपाध्यक्ष | नर्मदा गौतम |
क्षेत्रफल | |
• जम्मा | १५१.४२ किमी२ (५८.४६ वर्ग माइल) |
जनसङ्ख्या (वि.सं २०६८) | |
• जम्मा | २६४२४ |
• घनत्व | १७०/किमी२ (४५०/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
सदरमुकाम | खिदीम |
वेबसाइट | paninimun |
नामाकरण
पाणिनि संस्कृत भाषाका प्रसिद्ध व्याकरण शास्त्रि हुन्। उनको जन्म लगभग ५०० ईशा पूर्वमा दक्षीण एसियाको पश्चि क्षेत्रमा भएको मानिन्छ । उनको जन्मबारे विभन्न स्थानबारे मत छन त्यस मध्ये गान्धार क्षेत्र,उत्तर पाकिस्तान बढी चर्चामा अाउँछन । एक थरीको मत अर्घाखाँची नै पाणिनिको पुर्खाैली थलो भन्ने पनि छ । पाणिनि ॠषिको नामबाट पाणिनी गाउँपालिकाको नामाकरण गरिएको हो।