बागमती प्रदेश सभा

बागमती प्रदेश सभा नेपालको संविधान २०७२ को धारा १७५ बमोजिम गठन भएको थियो। उक्त व्यवस्थाले मुलुकका प्रत्येक प्रदेशका लागि प्रादेशिक संसदको प्रत्याभूति गरेको छ। वि.सं. २०७४ सालमा बागमती प्रदेशको प्रदेश सभा निर्वाचन तर्फको ११० सिटका लागि सम्पन्न भएको थियो।^[३] यस चुनावको परिणामस्वरूप नेपाल कम्युनिस्ट पार्टी (एकीकृत मार्क्सवादी-लेनिनवादी) र नेपाल कम्युनिस्ट पार्टी (माओवादी केन्द्र) गठबन्धनको विजय भएको थियो जुन पछि नेकपा (एमाले)बाट डोरमणि पौडेलको नेतृत्वमा गठबन्धन सरकारको गठन भएको थियो। संविधानसभाको पहिलो बैठक प्रदेश सभा प्रमुख अनुराधा कोइराला^[४]ले वि.सं. २०७४ माघ १८ का लागि बोलाएकी थिइन्। नेपाल कम्युनिस्ट पार्टी (एमाले)बाट सानुकुमार श्रेष्ठलाई प्रदेश सभाको पहिलो सभामुख रूपमा निर्वाचित गरिएको थियो र माओवादी केन्द्रबाट राधिका तामाङ प्रथम उपसभामुखमा निर्वाचित भएकी थिइन्।^[५] वि.सं. २०७५ जेठ ३ मा, यी दुई राजनीतिक दलहरू एकआपसमा गाभिएर नेपाल कम्युनिस्ट पार्टीको गठन भएको थियो जसको कारण यसले अत्याधिक बहुमत प्राप्त गरेको थियो।^[६]

नेपालको संविधानको धारा १९५ मा प्रदेश सभाहरूलाई कार्यसञ्चालन कार्यविधिको व्यवस्था गर्न विशेष समितिहरू गठन गर्ने अधिकार प्रदान गरिएको छ।