भैरवी गाउँपालिका
भैरवी नेपालकोको एक गाउँपालिका हो । यो गाउँपालिका कर्णाली प्रदेशको दैलेख जिल्लामा अवस्थित छ । [१] यस गाउँपालिकाको कुल क्षेत्रफल ११०.४६ वर्ग किलोमिटर (४२.६५ वर्ग माइल) रहेको छ । २०६८ सालको राष्ट्रिय जनगणना अनुसार यस गाउँपालिकाको कुल जनसङ्ख्या २१,२३३ रहेको छ र २०७८ साल को जनगणना अनुसार १८७६७ देखाएको छ। यस गाउँपालिकालाई ७ वटा वडामा विभाजन गरिएको छ ।[२] साविकका दुल्लु नगरपालिको केही भू-भाग, भैरीकालिकाथुम, कुसापानी, रावतकोट र कासीकांध गाविसहरू समेटेर बनाइएको यस गाउँपालिकाको कार्यालय साविकको भैरीकालिकाथुम गाविसको कार्यालयमा राखिएको छ ।[२]यस गाउँपालिकालाई २०७३ साल फागुन २७ गते अथवा १० मार्च २०१७ का दिन नेपाल सरकारको सङ्घीय मामिला तथा स्थानीय विकास मन्त्रालयले नयाँ ७४४ स्थानीय तहहरू बनाउने क्रममा घोषणा गरिएको थियो । [३][४]
भैरबी | |
|---|---|
| भैरबी गाउँपालिका भैरीकालिकाथुम ४ दैलेख | |
| आदर्श वाक्य(हरू): शिक्षा, स्वास्थ्य, कृषि, पर्यटन, हरियाली विकास, सहकारी, रोजगारी र पूर्वाधार: समृद्ध भैरवीका आठ आधार | |
  भैरबी नेपालको नक्शामा | |
| निर्देशाङ्क: २८°५६′N ८१°३८′E / २८.९३°N ८१.६३°E ८१°३८′E / २८.९३°N ८१.६३°E | |
| देश |  नेपाल |
| प्रदेश | कर्णाली |
| जिल्ला | दैलेख |
| वडाहरूको सङ्ख्या | ७ |
| घोषणा मिति | २०७३ फागुन २७ (१० मार्च २०१७) |
| सरकार | |
| • प्रकार | गाउँपालिका |
| • अध्यक्ष | रिता कुमारी शाही (नेपाली कांग्रेस) |
| • उपाध्यक्ष | देवी भण्डारी (नेपाली कांग्रेस) |
| क्षेत्रफल | |
| • जम्मा | ११०.४६ किमी२ (४२.६५ वर्ग माइल) |
| जनसङ्ख्या | |
| • जम्मा | १८७६७ |
| • घनत्व | १७०/किमी२ (४४०/वर्ग माइल) |
| समय क्षेत्र | युटिसी+५:४५ (नेपाली समय) |
| वेबसाइट | http://www.bhairabimun.gov.np/ |
पर्यटन
यस गाउँपालिका भित्र दैलेख जिल्लाका अधिकांश ऐतिहासिक तथा धार्मिक महत्त्व बोकेका स्थानहरू पर्दछन् । दैलेख जिल्लाको पवित्र तिर्थस्थल पञ्चकोशी मध्यको एक स्थान मानिएको शिरस्थान मन्दिर यसै गाउँपालिकामा अवस्थित छ । शिरस्थानमा नित्य प्रज्वतित अग्निज्वाला रहेको छ । यसका साथै कुसापानी झरना, भैरवी मन्दिर, ब्याउलीको लेकमा रहेको धर्मशाला, रावतकोटका पञ्चदेवल, डाँडीमाडी र खम्मगाडेका वीरखम्बाहरूका साथै ठाउँ ठाउँमा रहेका वीरखम्बा र ढुङ्गेधाराहरू यस गाउँपालिकाका महत्त्वपूर्ण धार्मिक, ऐतिहासिक तथा पर्यटकिय स्थलहरू हुन् ।
