मुद्रा बजार

समयको आधारमा एक वर्ष भन्दा कम समयावधिको लागि निष्कासन गरिने तथा खरिद-बिक्री गरिने प्रतिभूतिहरूको कारोबारमा संलग्न बजारलाई मुद्रा बजार भनिन्छ । ती वित्तीय बजारहरू , जसले अल्पकालीन कोषको प्रवाहमा मद्दत गर्दछन त्यसलाई मुद्रा बजार भनिन्छ। धितोहरूको उच्च तरलताको कारण लगानी गर्न मुद्रा बजारलाई सुरक्षित ठाउँ मानिन्छ। मुद्रा बजार एक अनियमित र अनौपचारिक बजार हो र पूँजी बजार जस्तो संरचनात्मक हुँदैन, जहाँ चीजहरू औपचारिक रूपमा व्यवस्थित हुन्छन्। मुद्रा बजारले लगानी कर्ताहरूलाई कम प्रतिफल दिन्छ तर विभिन्न उत्पादनहरू प्रदान गर्दछ। ^[१]

मुद्रा बजारमा खरिद-बिक्री गरिने प्रतिभूतिहरू

मुख्य प्रतिभूतिहरू

कुनै पनि देशको सरकार वा केन्द्रिय बैङ्कहरूले निष्कासन गर्ने ट्रेजरी बिल जसको परिपक्व अवधि ६० दिन, ९० दिन, १८० दिन र बढीमा १ वर्ष हुन्छ ।
आयात-निर्यात तथा वैदेशिक व्यापारमा सहयोग गर्ने उद्देश्यले व्यावसायिक संघटनलाई बाणिज्य बैङ्कहरूले प्रदान गर्ने जमानत अर्थात बैङ्क स्वीकृति पत्र जसको परिपक्व अवधि प्रायः १८० दिनको हुन्छ।
छोटो अवधिको अल्पकालिन ऋण प्राप्त गर्ने उद्देश्यले व्यावसायिक संघटनहरूले निष्कासन गर्ने वाणिज्य पत्र
ठूला-ठूला लगानीकर्ताहरूलाई वाणिज्य बैङ्क र वित्तीय संस्थाहरूले निष्कासन गर्ने निक्षेप प्रमाणपत्र
ट्रेजरी बिल, वाणिज्यपत्र , बचतपत्र आदि जस्ता अल्पकालीन प्रतिभूतिमा लगानी गर्ने उद्देश्यले स्थापना गरिएको पारस्परिक कोष , जसलाई मुद्रा बजार पारपरिक कोष (म्युचल फण्ड) पनि भनिन्छ ।
वाणिज्य बैङ्क , वित्तीय संस्थाहरू र ऋण सहकारी संस्थाहरूबाट प्रदान गरिने उपभोक्ता साख कर्जा र अन्य अल्पकालीन ऋणहरू

मुद्रा बजारमा खरिद-बिक्री हुने प्रतिभूतिहरू तरल र बजारयोग्य हुने भएकाले तुरुन्त खरिद-बिक्रि गर्न सकिन्छ । यस प्रकारका प्रतिभूतिहरूमा त्रुटी जोखिम र प्रतिफल दुवै कम हुन्छ ।

यो पनि हेर्नुहोस

सन्दर्भ सामग्रीहरू

[१]

Search

मुद्रा बजार

विषयसूची