रोजा सालाजार
रोजा बियान्का सालाजार (/ˈsæləzɑːr/; जन्म जुलाई १६, १९८५) एक क्यानडेली अभिनेत्री हुन्। उनको एनबीसी शृङ्खला पेरेन्टहुड (सन् २०११–२०१२) र एफएक्स एन्थोलोजी शृङ्खला अमेरिकन हरर स्टोरी: मर्डर हाउस (सन् २०११) मा भूमिका थियो। उनी चलचित्र अलिता: ब्याटल एन्जिल (सन् २०१९) मा शीर्षक पात्रको रूपमा चित्रित गर्नको लागि परिचित छिन्।
रोजा सालाजार Rosa Salazar | |
---|---|
जन्म | रोजा बियान्का सालाजार १६ जुलाई १९८५ क्यानडा |
पेशा | अभिनेत्री |
कार्यकाल | सन् २०१०–वर्तमान |
सालाजार द डाइभर्जेन्ट सिरीज: इनसर्जेन्ट (सन् २०१५), मेज रनर: द स्कर्च ट्रायल्स (सन् २०१५) र मेज रनर: द डेथ क्योर (सन् २०१८) देखा परिन् र नेटफ्लिक्स चलचित्रहरू द किंडरगार्टन टिचर(सन् २०१८) र बर्ड बक्स (सन् २०१८) मा पनि देखा परिन्। उनी हाल अमेजन प्राइम शृङ्खला अनडोन (सन् २०१९–वर्तमान) मा अभिनय गर्दैछिन्।
प्रारम्भिक जीवन
रोजा बियान्का सालाजारको जन्म जुलाई १६, १९८५ मा क्यानाडामा भएको थियो।[१][२][३] उनी पेरुभियन र फ्रान्सेली मूलकी हुन्।[४][५] उनी वासिङ्टन, डी.सी. र नजिकैको ग्रीनबेल्ट, मेरील्याण्डमा हुर्केकी छिन्।[६] सालाजारले ग्रीनबेल्टको एलेनोर रुजवेल्ट हाई स्कूलमा पढेकी थिइन्, र स्कूल थिएटर कार्यक्रममा सक्रिय थिइन्।[७]