शिवराज नगरपालिका
शिवराज नगरपालिका नेपालको पश्चिमाञ्चल विकास क्षेत्र अन्तर्गत लुम्बिनी अञ्चलमा पर्ने कपिलवस्तु जिल्लामा अवस्थित एक नगरपालिका हो ।[४] चन्द्रौटा बजार रहेको ठाँउलाई नगरपालिकाको केन्द्र बनाइएको छ ।[१][५] यो नगरपालिका २०६८ साउन १ देखि लागू हुने गरी बनाइएको हो तर कार्यन्वयनमा हाल २०७१ जेष्ठ ४ देखि आएको हो । शिवराजलाई नगरपालिका घोषणा गर्दा शिवपुर, विरपुर, विसुनपुर, चनई र जवाभारी गाउँ विकास समितिहरू समावेश गरिएका हुन् ।[१][२] आर्थिक वर्ष २०६८/६९को बजेटमार्फत् मुलुकमा ४१ नयाँ नगरपालिका थपिंदा शिवराज पनि नगरपालिका बनेको हो ।[६] महानगरपालिका, उपमहानगरपालिका र नगरपालिका गरी अब मुलुकमा कूल १३० भएका छन् भने गाविसको संख्या ३ हजार ९ सय १५बाट घटेर ३ हजार ६ सय ३३ भएका छन ।[६]
शिवराज नगरपालिका | |
---|---|
देश | नेपाल |
विकास क्षेत्र | मध्यमाञ्चल |
अञ्चल | लुम्बिनी अञ्चल |
जिल्ला | कपिलवस्तु |
स्थापना | २०७१ जेष्ठ ४ |
सरकार | |
• मेयर | नेत्रराज अधिकारी |
• उप मेयर | शिव कुमारी चौधरी |
क्षेत्रफल | |
• जम्मा | १७८.९५ किमी२ (६९.०९ वर्ग माइल) |
जनसङ्ख्या (नेपालको राष्ट्रिय जनगणना बि.स.२०६८)[२] | |
• जम्मा | ४९,९८८ |
• घनत्व | २८०/किमी२ (७२०/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
क्षेत्रीय सङ्केत | +९७७-७६ |
वेबसाइट | www.shivarajmun.gov.np |
जनसङ्ख्या
शिवपुर, विरपुर, विसुनपुर, चनई र जवाभारी गाविसहरूलाई मिलाएर शिवराज नगरपालिका बनाइएको हो ।[३] त्यसैले बि.स.२०६८ को जनगणना अनुसार यी ठाउँहरूको जनसङ्ख्यालाई जोडेर शिवराज नगरपालिकाको जनसङ्ख्या ४९,९८८ रहेको छ । शिवराज नगरपालिकामा ८,४४१ घरधुरि छन ।[२]
सन्दर्भ सामग्रीहरू
बाह्य कडीहरू
- जिल्ला विकास समिति, कपिलवस्तु[dead link]
यो पनि हेर्नुहोस्
नेपालको स्थान सँग सम्बन्धित यो लेख अपुरो छ। तपाईं यस लेखलाई बढाएर विकिपिडियालाई सहायता गर्न सक्नुहुन्छ। |