हेमन यात्री

पिता बोम प्रसाद राई तथा माता सुकुमाया चाम्लिंगका कोखबाट वि.सं २०३८।५।९ मा मोरङको टांडीमा जन्म लिएका हुन् । केटाकेटी छंदा गाउंमा प्रकाश कोविदको उपन्यासहरु खुबै पढ्ने कवि यात्री मनपर्ने विधा भनेको कविता नै हो । आफ्नो लेखन यात्रा निरन्तर रहने बताउने कवि हेमन जिन्दगीलाई यात्राको संज्ञा दिने दिएकाले आफ्नो नामको पछाडि यात्री उपनाम राखेका छन् । ^[२]

मोरङको रमिते खोलाका श्री टाडी माध्यमिक विद्यालय उतरेबाट वि.सं. २०५७ मा एस.एल.सी. उत्तीर्ण गरी उच्च शिक्षा त्रिभुवन विश्वविद्यालयबाट एम.ए. पूरा गरेका छन् । उनी विविध समयमा विभिन्न रेडियो कार्यक्रमहरूमा साहित्यिक कार्यक्रमका संचालक समेत रहेका छन् । विभिन्न साहित्यक सङ्घ संस्थासंग आवद्ध यात्री विशेषत धरानका साहित्यिक संस्था कलरवका संस्थापक सदस्य समेत रहेका छन् र सो संस्था अन्तर्गत सक्रिय रूपमा स्थानिय तथा राष्ट्रिय कार्यक्रमहरू आयोजना गरिरहेका छन् ।

समय, परिवेश, जीवन, जीवनभोगाइ, देश, राष्ट्रियता विसंगति, यौन, अस्तित्व, विकृति, पराधीनता, विडम्बना, इत्यादि वरिपरि नै छन् यिनका कविता । ।^[३] सुरुचिपूर्ण विम्ब-विधानयुक्त यात्रीका कविताले नेपालको सम्पन्न प्राकृतिक सौन्दर्य र मानिसबीच समन्वयलाई मौलिक रूपमा प्रस्तुत गरेको पाईन्छ । ^[४]

मौलिक सांस्कृतिक कथा, मिथक र प्राकप्रसंग पाईन्छन् यिनका कवितामा । आफ्नै संवेदना लेखिनुले, आफ्नै सांस्कृतिक कथा र मिथक लेखिनुले र आफ्नै समय लेखिनुले यिनका कविताले आफ्नै समाज, परिवेश, समय र संस्कृतिबाट दृष्य पाएका छन्, गहिराइ र कला पाएका छन्, आवाज र लय पाएका छन् । ^[५]

कविता सङ्ग्रह : पहाड मसितै यात्रा गर्छ [६]^[७]
गजल-गीतसङ्ग्रह : आंशुको मुल्य^[१]

• कालिका स्रस्टा सम्मान चितवन २०६५
• श्री टाडी मा बि सम्मान रमितेखोला २०६७
• डेब्यु बुक अवाड (पहाड मसितै यात्रा गर्छ का लागि )२०६८/२०६९
• नवोदित कृति पुरस्कार २०७०, रिडर्स क्लब नेपाल र मोहनगोपाल खेतान प्रतिष्ठान ^[८][९]
• सतासी साप्ताहिक सम्मान झापा २०७१
• नेपाली साहित्य कला डट कम प्रसम्सा पत्र २०७१

• आत्माको अभिब्याक्ति कबिता हो — कबि हेमन यात्री, इटहरी, २०७१ कार्तिक १९ गते
• हेमन यात्री : च्याटभ्यू - ३, राम अविकास
• साहित्य स‌सार
• फेरि एक्लै, साताको साहित्य
• विवेचना हेमन यात्री, स्पन्दन डट कम
• हेमनको एकल, कान्तिपुर, मिति: २०७० असार १०
• आँखामा अर्जेन्टिना पाउँछु म धेरै धेरै, रातोपाटी, July 09, 2014
• शक्तिशाली उदय- आनन्द पी राई, हिमाल खबरपत्रिका
• बोली हमरी पूरबी : नेपाली कविताएँ, समालोचन