मेक्सिको

संयुक्त मेक्सिकन राज्य ^[१]वा साधारण रुपय् मेक्सिको ^[२] छगू उत्तर अमेरिकी संघीय संवैधानिक गणतन्त्र ख। थ्व देय्या उत्तरय् संयुक्त राज्य अमेरिका, दक्षिणय् व पश्चिमय् प्रशान्त महासागर, दक्षिणपूर्वय् ग्वाटेमाला, बेलिज व क्यारिबियन सागर व पूर्वय् मेक्सिकोया खाडी ला। ^[३] करिब २० लखः वर्ग किमि (७ लख ६०द्व माइल) क्षेत्रफल दूगु ^[४] थ्व देय् सकल अमेरिकाया न्यागु दकले तःधंगु देय् ख। नापं, थ्व देय् हलिमया १३गु दकले तःधंगु देय् नं ख। करिब ११ कोटी २० लखः जनसंख्या नापं थ्व देय् हलिमया ११गु दकले अप्व जनसंख्या दूगु देय् नं ख। ^[५] थ्व देय् हलिमया दकले अप्व स्पेनीभाषी जनसंख्या दूगु देय् ख। थ्व देय् ३१गु राज्य व संघीय नगर मेक्सिको जाना दयाच्वंगु छगू संघ देय् ख।

मेक्सिको
Estados Unidos Mexicanos
United Mexican States

ध्वांय राष्ट्रीय चिं
म्ये: मेक्सिकोया राष्ट्रगान
राजधानी	मेक्सिको नगर 19°03′N 99°22′W
तधंगु सहर	मेक्सिको नगर
औपचारिक भाय	None at federal level. Spanish (de facto)
सरकार	संघीय अध्यक्षीय गणराज्य
- राष्ट्रपति	फेलिप काल्ड्रान
स्वतंत्रता	स्पेननाप
- घोषणा	15 सेप्टेम्बर, 1810
- मान्यता	27 सेप्टेम्बर, 1821
क्षेत्रफल
- फुकं	1,972,550 किमि² (15 गु)
	(761,606 वर्ग माइल)
- लयागु प्रतिशत (%)	2.5
जनसंख्या
- मध्य 2008 एस्टिमेटेड	111,211,789 (जुलाई 2009) (11 गु)
- 2005 सेन्सस्	103,263,388
- जनघनत्व	55/किमि² (142 गु) (142/वर्ग माइल)
कुल ग्राहस्थ उत्पादन (पि पि पि)	2008 एस्टिमेट
- फुकं	$1.559 ट्रिलियन (11)
- प्रति छ्यं	$14,560 (-)
मुद्रा	पेसो (MXN)
ई क्षेत्र	आधिकारिक मेक्सिकन समय मंडल (UTC-8 निसें -6)
- वर्खा (DST)	भिन्न (UTC-7 निसें -5)
इन्टरनेट TLD	.mx
कलिंग कोड	+52

कोलम्बस-पूर्वया मेसोअमेरिकाय् यक्व थी-थी लहनाया विकास जुयाच्वन। थ्व लहनाय् मू लहना अल्मेक, तन्तेक, तिओतिहुआकान, जापोतेक, माया लहना, एज्तेक लहना आदि ला। सन् १५२१इ स्पेनीतयेसं थ्व देय्या तेनोचितितानय् थःगु औपनिवेशिक जग पलिस्था याना थनया लहनातयेत थःगु कब्जाय् काल। थ्व कथं कब्जाय् काःगु थाय्यात न्हु स्पेनया भाइसरोयल्तीया रुपय् प्रशासन यात। थ्व भूभाग लिपा वना मेक्सिकोया स्वतन्त्रता संग्रामलि सन् १८२१इ मेक्सिको राष्ट्र जुवन। स्वतन्त्रता धुंकाया ईले आर्थिक अस्थिरता, मेक्सिकन-अमेरिकन हताः, संरा अमेरिकानाप भूभाग द्यायेगु, जनयुद्ध, निगु राजतन्त्र व आन्तरिक सामन्त शासन जु-जुं सन् १९१०या मेक्सिकन क्रान्ति धुंका सन् १९१७य् थ्व देय्या संविधान दयेकेधुंका वर्तमान राजनैतिक व्यवस्थाया विकास जुल। सन् २०००या निर्वाचनय् दकले न्हापा विपक्षी खलःया पार्टीं सरकार दयेकल।