Chinyanja
Chinyanja eller chichewa er eit sørleg bantuspråk som har rundt 9,3 millionar talarar. Det er offisielt språk i Malawi og blir også snakka i Mosambik og delvis i Zambia og Zimbabwe. Chinyanja er det mest utbreidde språket i Malawi, der det særleg blir tala i sentrale og sørlege område.[1]
| Chinyanja chicheŵa, chewa nyanja | ||
| Klassifisering | Niger-kongo Atlantisk Volta-kongo Benue-kongo Bantu Sørlege Eigentlege bantu Sentrale Nordlege Chichewa | |
| Bruk | ||
| Tala i |  Malawi Mosambik Zambia  Zimbabwe | |
| Chinyanjatalande i alt | 9,3 millionar | |
| Språkkodar | ||
| ISO 639-1 | ny | |
| ISO 639-2 | nya | |
| ISO 639-3 | nya | |
| Wikipedia på chinyanja | ||
Nominalklassen chi- blir brukt som forstaving for språk.[a] I Malawi blei namnet på språket offisielt endra frå «chinyanja» til «chichewa» i 1968 på ordre frå president Hastings Kamuzu Banda (som var av chewafolket), og dette er framleis det vanlegaste namnet brukt i Malawi i dag.[2] I Zambia er språket vanlegvis kjend som nyanja eller «cinyanja»/«chinyanja» '[språket] frå sjøen', som viser til Malawisjøen).[3] Språknamnet blir skrive «cinianja» i Mosambik.
Chinyanja er eit bantuspråk i sone N (N31).
Fonologi
Vokalar
Chewa har fire vokallydar, /a, ɛ, i, ɔ, u/. Desse blir skrivne a, e, i, o, u.
Konsonantar
Konsonantar i chinyanja kan vera enkle (dvs. følgd av ein vokal), labialiserte (følgd av w) eller palataliserte (følgd av eller kombinert med y):
- ba, kha, ga, fa, ma, sa etc.
- bwa, khwa, gwa, fwa, mwa, swa etc.
- bza, khya, ja, fya, nya, sha etc.
Ortografi
Chinyanja blir skrive med litt ulik ortografi i Mosambik og dei andre landa. Ortografien bruker det latinske alfabetet, med ein tilleggsbokstav, ŵ, som blir brukt for bilabial frikativ.
Merknadar
Kjelder
Bakgrunnsstoff
- Litteratur
- Paas, Steven, 2012. 3. utg. Dictionary / Mtanthauziramawu. English – Chichewa / Chinyanja // Chichewa / Chinyanja – English. VTR Publications. ISBN 978-3-941750-87-6
- Mchombo, Sam, 2004. The Syntax of Chichewa. Cambridge Syntax Guides
- Hetherwick, Alexander (1907). A Practical Manual of the Nyanja Language ... Society for Promoting Christian Knowledge. Henta 25 August 2012.
- Henry, George, 1904. A grammar of Chinyanja, a language spoken in British Central Africa, on and near the shores of Lake Nyasa.
- Laws, Robert (1894). An English-Nyanja dictionary of the Nyanja language spoken in British Central Africa. J. Thin. s. 1–. Henta 25 August 2012.
- Rebman, John; Church Missionary Society (1877). Dictionary of the Kiniassa language. Gregg. s. 65–. Henta 25 August 2012.
- Riddel, Alexander (1880). A Grammar of the Chinyanja Language as Spoken at Lake Nyassa: With Chinyanja-English and English-Chinyanja Vocabularies. J. Maclaren & Son. Henta 25 August 2012.
- Woodward, M. E., 1895. A vocabulary of English-Chinyanja and Chinyanja-English as spoken at Likoma, Lake Nyasa. Society for Promoting Christian Knowledge.
- Missionários da Companhia de Jesus 1963. Dicionário Cinyanja-Português. Junta de Investigaçôes do Ultramar.
