Dibeen skogsreservat
Dibeen skogsreservat er eit naturreservat nordvest i Jordan. Det ligg like sør for den romerske staden Jerash[1] og dekkjer eit område på 8,5 km²[2] med rullande åsar dekte av furu og eik. Området vart verna som eit naturreservat i 2004 etter initiativ av Royal Society for the Conservation of Nature.[2]
| Dibeen skogsreservat | |||
| verneområde | |||
 Inngangen til Dibeen skogsreservat | |||
| Land |  Jordan | ||
|---|---|---|---|
| Guvernement | Ajloun guvernement | ||
| Koordinatar | 32°14′30″N 35°48′25″E / 32.2417°N 35.807°E | ||
| Areal | 8,5 km² | ||
| Grunnlagd | 2004 | ||
| Styre | Royal Society for the Conservation of Nature | ||
 Dibeen skogsreservat 32°14′30″N 35°48′25″E / 32.2417°N 35.807°E | |||
  | |||
| Wikimedia Commons: Dibeen Forest Reserve | |||
Geologi og klima
Bergartane i reservatet er ei blanding av kalkstein og kritthaldig kalkstein, som har blitt forma til bratte skrentar.[2] Årsmiddelnedbøren her er 710 mm i året.[2]
Planteliv
Skogsreservatet har eit av dei gjenverande døma på furu-eikskog i Midtausten. Treartane i reservatet varierer med høgda aleppofuru finst i lågare høgder, ei blanding av furu og eik (aleppofuru og palestinaeik) veks i midten, og ein art av ei lita eik – Quercus infectoria – veks i høgda.[2] Andre planter i reservatet er mellom anna orkidéar, gresk jordbærtre, pistasje og oliventre.
Dyreliv
Det finst minst 17 utryddingstruga artar i reservatet. Desse er mellom andre persisk ekorn, fire typar flaggermus,[1] gråulv og stripete hyenar. Det lever òg skogsfugl i skogen.[1]