Dromedar

Dromedar
Tamdromedar i Marokko.
Utbreiing
Utbreiinga av dromedar
Systematikk
Underrekkje:	Virveldyr Vertebrata
Klasse:	Pattedyr Mammalia
Overorden:	Paraxonia
Orden:	Klauvdyr Artiodactyla
Overfamilie:	Cameloidea
Familie:	Kamelfamilien Camelidae
Slekt:	Kamelslekta Camelus
Art:	Dromedar C. dromedarius
Vitskapleg namn
Camelus dromedarius von Linné, 1758

Dromedar (Camelus dromedarius) tilhøyrer slekta kamelar (Camelus) og er eit stort, drøvtyggande klovdyr med lang hals, lange lemmar og ein enkelt ryggpukkel. Namnet «dromedar» kjem frå gresk gjennom latin og er avleidd av dromas som tyder 'løpar'.

Dromedaren er eit viktig husdyr^[1] i Sahara, Arabia og delar av Asia. Han har også vore brukt i Spania, Italia, Amerika og Australia.

Dyra kan både brukast til riding og som trekk- og lastedyr. Dromedaren blei truleg temd av nomadar frå Arabia, og kan ha vore i bruk som husdyr allereie i steinalderen i Nord-Afrika. Det finst ingen ville dromedarar att, men i Australia lever det rundt ein million forvilla dromedarar.^[2]