Erna
Erna er eit kvinnenamn av norrønt eller gammalhøgtysk opphav. Det kan vera ei avleiing av Ernst, som ei kortform av kvinneleg form som Ernestine eller Ernesta, eller ei anna form for Arna, som også kan stavast Ärna.
Tyding og mytologi
Ernst kjem frå gammalhøgtysk ernust, 'alvor'. Arna er ei kvinneleg form av Arne, som kjem frå norrønt ari eller gammalhøgtysk aro, 'ørn'.
I den norrøne Rigsthula er Erna namnet på kvinna som blir gift med Heimdall sin son Jarl og gjev opphav til jarlane.
Bruk
Erna er særleg utbreidd som namn på Island og i Tyskland.
I Noreg var namnet mest brukt i første halvdel av 1900-talet. Det var særleg populært frå rundt 1925 til noko etter 1930, då over 0,6 % av nyfødde jenter fekk namnet. Ein topp kom rundt 1920, då 0,8 % fekk namnet.
I 2009 var det 3 239 norske kvinner som heitte Erna.
Namneberarar
- Erna Schøyen (1887-1968), norsk skodespelar
- Erna Hamilton (1900–1996), dansk forfattar
- Erna Bogen (1906-2002), ungarsk olympisk fektar
- Erna Bürger (1909-1958), tysk olympisk turnar
- Erna Bombeck (1927–1996), amerikansk forfattar og humorist
- Erna Osland (f. 1951), norsk forfattar
- Erna Solberg (f. 1961), norsk politikar
Kjelder
- Søk etter norsk namnestatistikk for Erna hjå Statistisk Sentralbyrå