Hamar

	Hamar
	By
	Hamar sett frå lufta.
Land	Noreg
Fylke	Innlandet
Kommune	Hamar
Areal	14,2 km²
Folketal	29 605 (2023)
Folketettleik	2 085 / km²
Innbyggjarnamn	hamarsing
Preposisjon	på Hamar
	; Hamar; 60°47′40″N 11°04′04″E / 60.794444444444°N 11.067777777778°E
	Wikimedia Commons: Hamar

Denne artikkelen handlar om byen Hamar. For hamar som reiskap, sjå hammar.

Hamar er ein by og administrasjonssenteret i Hamar kommune i Hedmark i Innlandet fylke. Tettstaden har 29 605 innbyggjarar per 1. januar 2023 og strekker seg ut over grensene til Hamar kommune. Hamar omfattar også busetnad i kommunane Stange og Ringsaker. Totalt har tettstaden 29 605 innbyggjarar per 1. januar 2023, og 24 177 av innbyggjarane i tettstaden bur i Hamar kommune. Sentrum i byen ligg på det eldste byområdet frå jernbanestasjonen til Stortorget. Her er sentrum for forretning og administrasjon, og det er ein blanda busetnad med låge murhus og bygningar i nyare stil.

Hamar er sete for fylkesmannen i Hedmark og administrasjonen for Hedmark fylkeskommune. I byen ligg også kontora til Hedmark politidistrikt, Eidsivating lagmannsrett og hovudadministrasjonen til Norsk Tipping. Byen har sjukehus, vidaregåande skolar og Høgskolen i Innlandet med landbruksfag, naturfag og lærarutdanning. På Ridabu aust for sentrum ligg Toneheim folkehøgskole, med tilbod om høyrelære og andre musikkfag.

På Hamar kjem dagsavisene Hamar Arbeiderblad og Hamar Dagblad ut.

Samferdsel

Vegen E 6 går aust for byen og riksveg 25 fører til Elverum og Østerdalen, og vidare austover gjennom Trysil til Sverige. Frå Hamar går Dovrebanen, som går frå Oslo til Trondheim, og Rørosbanen, som går over Elverum og Røros til Trondheim. I turistsesongen har hjuldamparen Skibladner anløp i byen.