Helge Holden

Helge Holden (fødd 28. september 1956 i Oslo) er ein norsk matematikkprofessor og har særleg arbeidt med ikkje-lineære partielle differensiallikningar og matematisk fysikk.

Helge Holden
Fødd	28. september 1956 Oslo
Nasjonalitet	Noreg
Område	matematikk, matematisk fysikk
Yrke	matematikar, universitetslærar
Institusjonar	Noregs teknisk-naturvitskaplege universitet
Alma mater	Universitetet i Oslo
Doktorgradsrettleiar	Raphael Høegh-Krohn
Medlem	Det Norske Videnskaps-Akademi American Mathematical Society Norges Tekniske Vitenskapsakademi Academia Europaea Society for Industrial and Applied Mathematics

Holden vart dr. philos. i 1985 på ei avhandling om kvantemekanikk^[1] og vart tilsett på NTH året etter. Han vart utnemnd til professor ved NTNU i 1991. Han har hatt forskningsopphold ved New York University og Caltech. Han har vore leiar for fleire programstyrer i Noregs forskningsråd. Han har vore visepresident i European Mathematical Society og tidlegare president i European Consortium for Mathematics in Industry.

Han har vore med i redaksjonsrådet for Journal of Nonlinear Mathematical Physics^[2], redaksjonskomitéen til det eldste forskningstidskriftet i Noreg, Det Kongelege Norske Videnskabers Selskabs Skrifter^[3], og redaksjonsrådet i International Journal of Differential Equations^[4].

Holden var styremedlem i styret i NTNU frå 2009 til 2013 og styreleiar for Abelfondet frå 2010 til 2014^[5]. Han er medlem av Det Norske Videnskaps-Akademi.

I 2022 vart han tildelt Gunnerusmedaljen, Det Kongelige Norske Videnskabers Selskab (DKNVS) sitt høgste heidersteikn.^[6]

Han er innvalt som generalsekretær i The International Mathematical Union (IMU) for perioden 2019–2022.^[7]