Kvænangen kommune
- «Kvænangen» omdirigerer hit. For fjorden kommunen har namn etter, sjå Kvænangsfjorden.
69°56′20″N 22°03′00″E / 69.93889°N 22.05000°EKvænangen kommune (nordsamisk Návuona suohkan, kvensk Naavuonon komuuni) ligg lengst nord i Troms fylke. Kommunen grensar mot Loppa kommune i nord, Alta i aust, Kautokeino i sør, Nordreisa i sørvest, og Skjervøy i vest. Kvænangen høyrer til regionen Nord-Troms.
| Kvænangen kommune | |||
| kommune | |||
 | |||
| |||
| Land |  Noreg | ||
|---|---|---|---|
| Fylke | Troms | ||
| Adm.senter | Burfjord | ||
| Areal | 2 109,37 km² | ||
| - land | 2 013,38 km² | ||
| - vatn | 95,99 km² | ||
| Folketal | 1 157 (1. januar 2024) | ||
| Målform | nøytral | ||
| Ordførar | Kai Petter Johansen (SV) | ||
| Kommunenr. | 5546 | ||
 Kvænangen kommune 69°53′39″N 21°58′49″E / 69.894166666667°N 21.980277777778°E | |||
 | |||
| Wikimedia Commons: Kvænangen | |||
| Nettstad: www.kvanangen.kommune.no | |||
Namnet Kvænangen kjem av «kvæner» ('kvener') som er norsk for «finsktalande folk», og angr som er norrønt for «fjord».
Næringsverksemda i Kvænangen har lenge vore basert på primærnæringane jordbruk, skogbruk og fiske, men dei fleste sysselsette i kommunen arbeider no innan tenesteytande næring. Nye næringar som har hatt vekst i kommunen er fiskeoppdrett og turisme.
Kommunesenteret i Kvænangen er Burfjord. Næraste flyplass er Sørkjosen lufthamn i nabokommunen Nordreisa, med flyruter til Tromsø, Hammerfest og Kirkenes.
Historie
Kvænangen kommune vart oppretta i 1863, då han vart skilt ut frå Skjervøy kommune. Folketalet var då 2785. I 1965 vart Meilandsområdet på fastlandssida av Haukøysundet, med 12 innbyggjarar, overført frå Skjervøy til Kvænangen, og i 1972 gjekk eit ubygd område same vegen.
Folketalsutvikling
Folketalsutvikling for Kvænangen kommune frå 1875:
| 1875[1] | 1900[1] | 1.12.1920[2] | 1.12.1930[3] | 3.12.1946[3] | 1.1.1951[4] | 1.1.1961[4] | 1.1.1971[4] | 1.1.1981[4] | 1.1.1991[4] | 1.1.2001[4] | 1.1.2010[4] |
|---|---|---|---|---|---|---|---|---|---|---|---|
| 1646a | 1764a | 1903a | 1973a | 2402a | 2511a | 2382a | 2090 | 1842 | 1638 | 1427 | 1316 |
- a Talet omfattar ikkje Meilandsområdet, som var del av Skjervøy kommune fram til 1965, då det vart overført til Kvænangen kommune. Dette området hadde då 12 innbyggjarar.
