Militærkuppet i Thailand 2006

Militærkuppet i Thailand i 2006 fann stad 19. september då medlemmer av den thailandske hæren gjennomførte eit statskupp mot regjeringa som var leia av statsminister Thaksin Shinawatra. Statskuppet var det fyrste i Thailand på 15 år, men føyde seg inn i ei lang rekkje kupp i thailandsk historie.^[1] Det etterfylgde ei langvarig politisk krise der Thaksin og dei politiske motstandarane hans var sentrale,^[2] og fann stad mindre enn éin månad før parlamentsval skulle finne stad 15. oktober 2006.^[3]