Talcott Parsons
Talcott Parsons (13. desember 1902–8. mai 1979), fødd og oppvaksen i Colorado, er kan henda den mest kjende amerikanske sosiologen. Han grunnla funksjonalismen, og hadde stor innverknad på sosiologien på 1950- og 1960-talet. Han var knytt til Harvard-universitetet nesten heile livet sitt, og utvikla eit teoretisk system for samfunnsanalyse, kalla strukturell funksjonalisme.
| Talcott Parsons | |
 | |
| Statsborgarskap | USA |
| Fødd | 13. desember 1902 Colorado Springs |
| Død | |
| Yrke | sosiolog, universitetslærar, biolog |
| Språk | engelsk, tysk |
| Politisk parti | Det demokratiske partiet i USA |
| Medlem av | American Academy of Arts and Sciences |
| Far | Edward Smith Parsons |
| Mor | Mary Augusta Parsons |
| Talcott Parsons på Commons | |
Mønstervariablar
I The Social System (1951) legg Parsons fram eit sett av mønstervariablar, som seier noko om samhøvet ein sosial aktør har med andre sosiale aktørar:
| Dimensjon | Ekspressiv | Instrumentell |
|---|---|---|
| Status | Askripsjon | Prestasjon |
| Relasjonsfunksjon | Diffus funksjon | Spesifikk funksjon |
| Samhandlingstype | Partikulær | Universell |
| Kjenslerelasjon | Affektiv | Affektiv nøytral |
| Orientering | Kollektivorientering | Ego-orientering |
Til dømes vil relasjonane mellom aktørane i ein institusjon som familien, som vert prega av nære kjensleband, oftast vera ekspressive. Medan samhøvet mellom ein seljar og ein kunde på ein marknad vil vera instrumentell. Dimensjonen ekspressiv/instrumentell svarar til ein viss grad til skiljet Ferdinand Tönnies lagar mellom Gemeinschaft/Gesellschaft for å skildra menneskelege relasjonar.