Piòt

Meleagris

Piòt blanc

Classificacion
Règne	Animalia
Embrancament	Chordata
Sosembr.	Vertebrata
Classa	Aves
Òrdre	Galliformes
Familha	Phasianidae
Sosfamilha	Meleagridinae
Genre	Meleagris

Espècias de reng inferior

Meleagris gallopavo Linnaeus, 1758
Meleagris ocellata Cuvier, 1820

Lo piòt ^[1] es un aucèl del genre Meleagris e de la familha de las Phasianidae. Son d'aucèls de polalha que se fan venir per sa carn.

Istòria

Endemic de Nòrd-america, lo pòl salvatge sauvage foguèt lo sol volatil domestic e elevat a l'epòca preispanica, de l’Oasiamerica (al sud oèst dels EUA d'ara) fins al Centre del Mexic^[2]^,^[3]; tanben se caçava lo meleagris ocellata dins lo sud de la Mesoamerica, dins los boscs tropicals maias de la Peninsula de Yucatan^[2]^,^[4]. Dins la rèsta de Mexic, ont lo piòt èra e demora conegut jol nom de guajolote, del nahuatl huexōlōtl (amb una simbolica de virilitat a causa dels apendicis carnuts, e de feconditat), a encara una plaça importanta dins la gastronomia mexicana^[5].

Los Europèus lo coneisson dels primièrs colons espanhòls que nomenavan « pola d'índia »^[6] e los missionaris jesuistas lo menèron vèrs 1500 en Euròpa ont se difusèt aviadament, l'aucèl essent assimilat a la polalha (amb pol e pintarda)^[7].

Lista de las espècias

Segon la classificacion de referéncia (version 2.2, 2009) del Congrés ornitologic internacional (òrdre filogenic) :

Meleagris gallopavo Linnaeus, 1758 – Piòt salvatge
Meleagris ocellata Cuvier, 1820 – Piòt ocellat

Lo nom scientific del genre se referís al gal (genre Gallus) perque sembla a aquel gallinacèu e al pavon (genre Pavo) car los mascles de las doas espècias se pavan e fan la ròda^[8].

Los piòts domestics venon gaireben sonque del piòt salvatge, lo piòt ocelat essent fòrça rare en elevatge^[9].

Malautiás

Aquel aucèl es fòrça sensible a las zoonòsis, que:

La gripa aviara e subretot lo virus H5N1.
De socas de salmonellas tanben pels piòts elevats a l'exterior, subretot pels grands elevatges e subretot d’octobre a decembre al mai naut de la produccion industriala per nadal. De socas pòdon infectar l'uman.

Factor suplementari de risc: totes los elevatges de piòts de la planèta ven d'un nombre pichon de reproductors importats puèi seleccionats dempuèi tres sègles, çò que provoquèt una pèrda de diversitat genetica, fasent las socas domesticadas benlèu mai sensiblas a las pujadas epidemicas.