ହରିପ୍ରସାଦ ଚୌରାଶିଆ | |
|---|---|
 ଭୁବନେଶ୍ୱରରେ ଆୟୋଯିତ "ରାଜାରାଣୀ ସଙ୍ଗୀତ ମହୋତ୍ସବ ୨୦୧୫"ର ଦ୍ୱିତୀୟ ସଂଧ୍ୟାରେ ହରିପ୍ରସାଦ ଚୌରାଶିଆ | |
| Background information | |
| ଜନ୍ମ | (1938-07-01) ୧ ଜୁଲାଇ ୧୯୩୮ (ବୟସ ୮୫)୧ ଜୁଲାଇ ୧୯୩୮ |
| ଜନ୍ମସ୍ଥାନ | ବାରାଣସି, ଉତ୍ତର ପ୍ରଦେଶ, ଭାରତ |
| ଶୈଳୀ | ହିନ୍ଦୁସ୍ତାନି ସଙ୍ଗୀତ |
| ପେଷା | ସଙ୍ଗୀତ ନିର୍ଦ୍ଦେଶକ, ବଂଶୀ ବାଦକ |
| ବାଦ୍ୟଯନ୍ତ୍ର | ବଂସୀ |
| ୱେବସାଇଟ | ହରିପ୍ରସାଦ ଚୌରାଶିଆ.କମ୍ |
ପଣ୍ଡିତ ହରିପ୍ରସାଦ ଚୌରାଶିଆ (ଜନ୍ମ ୧ ଜୁଲାଇ ୧୯୩୮) ଜଣେ ପ୍ରସିଦ୍ଧ ହିନ୍ଦୁସ୍ତାନି ସଙ୍ଗୀତ ବାଦକ ।[୧] ସେ ହିନ୍ଦୁସ୍ତାନି ବଂଶୀ ବାଦନ କରନ୍ତି ।
ହରିପ୍ରସାଦ ଚୌରାଶିଆ ଆଲ୍ଳାହାବାଦରେ ଜନ୍ମଗ୍ରହଣ କରିଥିଲେ ।[୨] ତାଙ୍କ ପିତା ଜଣେ ମଲ୍ଲଯୋଦ୍ଧା ଥିଲେ । ତାଙ୍କୁ ୬ ବର୍ଷ ବୟସ ହୋଇଥିବା ବେଳେ ତାଙ୍କ ମା' ଇହଲିଳା ସମ୍ବରଣ କରିଥିଲେ । ପିତାଙ୍କ ଅଜ୍ଞାତସାରରେ ସେ ବଂଶୀବାଦନ ଶିକ୍ଷା ଗ୍ରହଣ କରୁଥିଲେ । ତାଙ୍କ ପିତା ଚାହୁଁଥିଲେ ତାଙ୍କୁ ଜଣେ ପହିଲିମାନ ଭାବେ ଦେଖିବାପାଇଁ । ସେ ପିତାଙ୍କ ସହିତ ସମୟ ସମୟରେ ଆଖଡାଶାଳରେ ତାଲିମ୍ ନେଉଥିଲେ । ତା ସହିତ ସେ ବଂଶୀବାଦନ ଶିକ୍ଷା ଗ୍ରହଣ କରୁଥିଲେ ଏବଂ ବନ୍ଧୁଙ୍କ ଘରେ ଅଭ୍ୟାସ କରୁଥିଲେ ।
ହରିପ୍ରସାଦ ଚୌରାଶିଆ ୧୫ ବର୍ଷ ବୟସରେ ତାଙ୍କ ପଡୋଶୀ ପଣ୍ଡିତ ରାଜାରାମଙ୍କଠାରୁ ବଂଶୀବାଦନ ଶିକ୍ଷା ଗ୍ରହଣ କରିଥିଲେ ।
ହରିପ୍ରସାଦ ଚୌରାଶିଆ, ଶାସ୍ତ୍ରୀୟ ସଙ୍ଗିତ ଗାୟିକା ଅନୁରାଧାଙ୍କୁ ବିବାହ କରିଛନ୍ତି ।[୩] ଏହି ଦମ୍ପତିଙ୍କ ଔରସରୁ ଏକମାତ୍ର ପୁତ୍ର ହେଉଛନ୍ତି ରାଜିବ ।[୪] ପ୍ରଥମ ପତ୍ନି ହେଉଛନ୍ତି କମଳା ଚୌରାଶିଆ ଏବଂ ତାଙ୍କର ଦୁଇ ପୁତ୍ର ହେଉଛନ୍ତି ଅଜୟ ଚୌରାଶିଆ, ବିନୟ ଚୌରାଶିଆ ।
ପଣ୍ଡିତ ଶିବକୁମାର ଶର୍ମାଙ୍କ ମିଳିତ ସହଯୋଗରେ ସେ ବଲିଉଡ୍ ଚଳଚ୍ଚିତ୍ରରେ ସଙ୍ଗିତ ନିର୍ଦ୍ଦେଶନା ଦେଇଥିଲେ ।
ଚଳଚ୍ଚିତ୍ର "ଶିରିଭେନେଲା"ରେ ଏକ ଅନ୍ଧ ବଂସୀବାଦକ ଭୁମିକାରେ ଅଭିନେତା ଶର୍ବଦମନ ବାନାର୍ଜି ଅଭିନୟ କରିଥିଲେ ଏବଂ ତାଙ୍କ ପାଇଁ ହରିପ୍ରସାଦ ଚୌରାଶିଆ ବଂଶୀର ଧୁନ୍ ଦେଇଥିଲେ । ସଙ୍ଗୀତ ସଂଯୋଜନା କରିଥିଲେ କେ. ଭି. ମହାଦେବନ ।[୮]
.jpg){kind=link}