ହାଇପରଟ୍ରଫିକ କାର୍ଡ଼ିଓମାୟୋପାଥି

ହାଇପରଟ୍ରଫିକ କାର୍ଡ଼ିଓମାୟୋପାଥି ବା ଏଚସିଏମ (ଇଂରାଜୀ ଭାଷାରେ Hypertrophic cardiomyopathy/ HCM) ଏକ ରୋଗ ଯେଉଁଥିରେ ହୃତ୍‌ପିଣ୍ଡର ଏହ ଅଂଶ ଅକାରଣ ହାଇପରଟ୍ରଫି (thickened) ବା ମୋଟା ହୋଇଯାଏ ।^[୭] ଏହା ଫଳରେ ରକ୍ତ ପମ୍ପ କରିବା ଦକ୍ଷତା ହୃତ୍‌ପିଣ୍ଡର କମିଯାଏ ।^[୮] ସାଧାରଣତଃ ଥକ୍କା ଅନୁଭବ, ପାଦ ଇଡିମା ବା ଫୁଲା (leg swelling), ଅଣନିଶ୍ୱାସୀ (shortness of breath) ଇତ୍ୟାଦି ଲକ୍ଷଣ ଦେଖାଯାଏ । ^[୨] ଛାତି ଯନ୍ତ୍ରଣା (chest pain ଓ ଅଚେତ ମଧ୍ୟ ହୋଇପାରେ ।^[୨] ରୋଗ ଜଟିଳ ହେଲେ ହୃଦ୍‌ପାତ, ହୃତ୍‌ପିଣ୍ଡ ଆରିଦମିଆ (irregular heartbeat), ହଠାତ୍ ହୃତ୍‌ପିଣ୍ଡ ମୃତ୍ୟୁ (sudden cardiac death) ହୋଇପାରେ ।^[୮][୯]

ହାଇପରଟ୍ରଫିକ କାର୍ଡ଼ିଓମାୟୋପାଥି (Hypertrophic cardiomyopathy)
ଆସିମେଟ୍ରିକ ସେପ୍ଟାଲ ହାଇପରଟ୍ରଫି (Asymmetric septal hypertrophy), ଇଡିଓପାଥିକ ହାଇପରଟ୍ରଫିକ ସବଆଓର୍ଟିକ ସ୍ଟେନୋସିସ (idiopathic hypertrophic subaortic stenosis)[୧]
ବିଭାଗ	ହୃଦ୍‌ରୋଗ ବିଜ୍ଞାନ Cardiology
ଲକ୍ଷଣ	ଥକ୍କା ଅନୁଭବ, ପାଦ ଇଡିମା ବା ଫୁଲା (leg swelling), ଅଣନିଶ୍ୱାସୀ (shortness of breath), ଛାତି ଯନ୍ତ୍ରଣା (chest pain, ଅଚେତ[୨]
କାରଣ	ଜେନେଟିକ (Genetics), ଫାବ୍ରି ଡିଜିଜ (Fabry disease), ଫ୍ରିଡ୍ରିକ୍ସ ଆଟାକ୍ସିଆ (Friedreich's ataxia‌, କେତେକ ଔଷଧ [୩][୪]
ରୋଗ ନିର୍ଣ୍ଣୟ ପଦ୍ଧତି	ଇସିଜି (Electrocardiogram), ଇକୋକାର୍ଡ଼ିଓଗ୍ରାମ (echocardiogram), ସ୍ଟେସ ଟେଷ୍ଟିଙ୍ଗ (stress testing), ଜେନେଟିକ ଟେଷ୍ଟିଙ୍ଗ (genetic testing[୫]
ସଠିକ ରୋଗ ନିର୍ଣ୍ଣୟ	ହାଇପରଟେନସିଭ ହୃତ୍‌ପିଣ୍ଡ ରୋଗ (en:Hypertensive heart disease), ଆଓର୍ଟିକ ସ୍ଟେନୋସିସ (aortic stenosis), ଖେଳାଳୀଙ୍କ ହୃତ୍‌ପିଣ୍ଡ (athlete's heart[୩]
ଔଷଧ	ବିଟା ବ୍ଲକର (en:Beta blockers), ଡାଇୟୁରେଟିକସ (diuretics), ଡାଇସୋପାଇରାମାଇଡ (disopyramide)[୫]
ଚିକିତ୍ସା	ଔଷଧ, ଇମ୍ପ୍ଲାଣ୍ଟେବ୍ଲ କାର୍ଡ଼ିଆକ ଡିଫିବ୍ରିଲେଟର (implantable cardiac defibrillator, ଅପରେଶନ[୫]
Prognosis	ଚିକିତ୍ସା ସତ୍ତ୍ୱେ <୧% ମୃତ୍ୟୁ ସଙ୍କଟ [୬]
ପୁନଃପୌନିକ	୫୦୦ ଲୋକରେ ଜଣେ[୭]
[edit on Wikidata]

ଏଚସିଏମ ରୋଗ ସାଧାରଣତଃ ପିତାମାତାଙ୍କଠାରୁ ବଂଶାନୁକ୍ରମରେ ଆସିଥାଏ । ^[୪] ଅନେକ ସମୟରେ ହୃତ୍‌ପିଣ୍ଡର ମାଂସପେଶୀ ତିଆରି କରୁଥିବା ଜିନର ମ୍ୟୁଟେସନ ଯୋଗୁ ହୁଏ ।^[୪] ଫାବ୍ରି ଡିଜିଜ (Fabry disease), ଫ୍ରିଡ୍ରିକ୍ସ ଆଟାକ୍ସିଆ (Friedreich's ataxia‌ ଓ ଟାକ୍ରୋଲିମସ (tacrolimus) ଭଳି ଔଷଧ ଯୋଗୁ ମଧ୍ୟ ହୋଇଥାଏ ।^[୩] ଏହା କାର୍ଡ଼ିଓମାୟୋପାଥି ଦଳର ଏକ ରୋଗ ଯାହା ମାୟୋକାର୍ଡ଼ିଅମକୁ (heart muscle) ଆକ୍ରମଣ କରେ ।^[୮] ଇସିଜି (Electrocardiogram), ଇକୋକାର୍ଡ଼ିଓଗ୍ରାମ (echocardiogram), ସ୍ଟେସ ଟେଷ୍ଟିଙ୍ଗ (stress testing) କରି ରୋଗ ନିର୍ଣ୍ଣୟ କରାଯାଏ ।^[୫] ଜେନେଟିକ ଟେଷ୍ଟିଙ୍ଗ (genetic testing ମଧ୍ୟ କରାଯାଏ ।^[୫]

ଚିକିତ୍ସାରେ ବିଟା ବ୍ଲକର (en:Beta blockers), ଡାଇୟୁରେଟିକସ (diuretics), ଡାଇସୋପାଇରାମାଇଡ (disopyramide) ଔଷଧ ଦିଆଯାଏ ।^[୫] ଅନିୟମିତ ହୃଦ୍‌ଗତି ସମ୍ପନ୍ନ କେତେକ ରୋଗଙ୍କୁ ଇମ୍ପ୍ଲାଣ୍ଟେବ୍ଲ କାର୍ଡ଼ିଆକ ଡିଫିବ୍ରିଲେଟର (implantable cardiac defibrillator ଦେବାକୁ ସୁପାରିସ କରାଯାଏ ।^[୫] କୌଣସି ଉପାୟରେ ଭଲ ନ ହେଲେ ସେପ୍ଟାଲ ମାୟେକ୍ଟୋମି (septal myectomy) ବା ହୃତ୍‌ପିଣ୍ଡ ଟ୍ରାନ୍ସପ୍ଲାଣ୍ଟ (heart transplant) ଅପରେଶନ କରାଯାଏ ।^[୫] ଉପ‌ଯୁକ୍ତ ଚିକିତ୍ସା ମିଳିଲେ ମୃତ୍ୟୁ ସଙ୍କଟ ବାର୍ଷିକ ୧%ରୁ କମ୍ ହୁଏ ।^[୬]

ପ୍ରତି ୫୦୦ଲୋକରେ ଜଣକର ଏହି ରୋଗ ଥାଏ ।^[୭] ପୁରୁଷ ଓ ମହିଳା ସମ ଭାବରେ ଆକ୍ରାନ୍ତ ହୁଅନ୍ତି । ^[୭] ସବୁ ବୟସରେ ମଧ୍ୟ ଆକ୍ରନ୍ତ ହୋଇପାରିବେ ।^[୭] ସନ ୧୯୫୮ରେ ଏହି ବିଷୟ ପ୍ରଥମେ ଡୋନାଳ୍ଡ ଟିଅର (Donald Teare) ବର୍ଣ୍ଣନା କରିଥିଲେ ।^{[୧୦][୧୧]}