بوسنیا تے ہرزیگووینا

بوسنیا تے ہرزیگووینا یورپ دا اک مُلک اے۔ ایہ پہلے یوگوسلاویا وچ شامل سی۔ ایہدے دو حصے نیں، اک بوسنیا تے ہرزیگووینا تے دوجا سرپسکا اے ۔ وفاق بوسنیا تے ہرزیگووینا وچ مسلماناں دی اکثریت اے تے سرپسکا چ مسلماناں دے نال کروٹ ، سرب تے دوجیاں قوماں دے لوک وی رہندے نیں ۔ ایہہ علاقہ یورپ دے دکھن چ بلقان چ واقع اے ۔ اسدا رقبہ 51129 مربع کلومیٹر اے ۔ اس دیاں سرحداں 3 پاسےآں توں کروشیا دے نال نیں ، اس دی وجہ ایہہ وا کہ مغربی یورپی قوماں نے اس علاقے دی آزادی دے ویلے اس گل نوں یعقینی بنائیا سی کہ اس مسلم اکثریتی علاقے نوں سمندر دا ساحل نا مل سکے ، اس ویلے اس کول صرف 26 کلومیٹر لمبا ساحل اے تے کسے وی جنگ دی صورت چ اسنوں گھیریا جا سکدا اے ۔ جدوں کہ چڑھدے چ اس دیاں سرحداں سربیا تے دکھن چ مونٹی نیگرو نال ملدیاں نیں ۔ سب توں وڈا شہر تے راجگھر ساراجیوو اے ، جتھے 1984ء دے سرمائی اولمپک کھیڈ ہوئے سن ، اوس ویلے ایہہ یوگوسلاویا چ شامل سی ۔ 1991ء دی مردم شماری دے مطابق اسدی آبادی 44 لکھ سی ، جہڑی کہ ہن اک اندازے دے مطابق گھٹ کے 39 لکھ رہ گئی اے ، کیونجے 1990ء دی دہائی دی جنگ چ لکھاں لوک مارے گئے جنہاں چ وڈی گنتی بوسنیا دے مسلماناں دی سی تے بے شمار لوگ دوجے دیساں چ ہجرت کرگئے ۔ بوسنیا نے 1991ہ چ یوگوسلاویہ توں آزادی دا اعلان کیتا ۔

بوسنیا تے ہرزیگووینا
یورپ دا اک مسلم دیس
Bosna i Hercegovina

جھنڈا	نشان

یورپ دے نقشے چ بوسنیا تے ہرزیگووینا (ہرے رنگ چ)
راجکعر:	ساراجیوو
سرکاری بولیاں	بوسنی ، کروشیائی تے سرب
نسلی گروہ	بوسنیاک (مسلمان) 48 فیصد
	سرب 37 فیصد
	کروٹ 14 فیصد
اعلی نمائیدہ	ولینتین انزکو
صدارتی ارکان	حارث سلاجک
	نیبوئشا رادمانووچ
	تے ژلیکو کومشیک
وزیراعظم	نیکولا شپیرک
آزادی
قیام	29 اگست 1189ء
بانیٹ دا قیام	1154ء
سلطنت عثمانیہ دا مل	1527ء
آسٹرو ہنگری سلطنت چ	1908ء
قومی دن	25 اگست 1943ء)
یوم آزادی (یوگوسلاویہ توں)	یکم مارچ 1992ء
رقبہ
کل	51,129 مربع کلومیٹر
لوک گنتی
2009ء چ	46 لکھ 13 ہزار 414 لوک
1919ء چ	43 لکھ 77 ہزار 53 لوک
آبادی دی گنجانی	90 لوک فی مربع کلومیٹر
جی ڈی پی	2009ء اندازا
کل	29.477 ارب امریکی ڈالر
فی کس	7،361 امریکی ڈالر
کرنسی	بوسنیا تے ہرزیگووینا دا مارک
ٹائم زون	(یو ٹی سی 1+)
کالنگ کوڈ	387

تریخ

تریخ توں پہلاں دا زمانہجنوب مشرقی یورپ دے سب توں پرانے آثار ایسے دیس توں لبھے نیں ، جداں کہ پتھر دے زمانے 12 ہزار سال قبل مسیح نال تعلق رکھن آلا اک مجسمہ جس چ اک گھوڑے نوں تیر کھاندے ہوئے دیکھائیا گئیا اے ۔ ایہہ آثار ہرزیگووینا چ ستولاک دے قصبے توں ملے نیں ۔ اس زمانے دے لوگ غاراں چ رہندے سن یاں پہاڑاں دیاں چوٹیاں تے گھر بنا کے رہندے سن ۔ 1893ء چ ساراجیوو دے نیڑے پرانی بتمیر ثقافت دے آثار لبھے سن جنہاں دا تعلق تانبے دے زمانے نال اے ۔ ایہہ تہذیب اج توں 5 ہزار سال پہلے مک گئی سی ۔

چار سو سال قبل مسیح چ اس علامے تے کلتی لوکاں نے مل مار لئیا ، جس دے بعد اوہ لہندے یورپ چ وی پھیل گئے ۔ ایہہ لوک لوہے دے اوزار تے پہیئے نال لے کے آئے سن جس نال زراعت چ بہت وڈیاں تبدیلیاں آئیاں ۔

رومی دور

سلاوی ہجرت

ہور ویکھو

یوگوسلاویہ

حوالے

Phillips, Douglas A. Bosnia and Herzegovina. Philadelphia: Chelsea House Publishers, 2004. ISBN 0-7910-7911-2
Norway – A Triumph in Bigotry by Frederick Delaware which compares the bigotry and hatred of establishment Norway towards Muslims with that of Serbia and Croatia in 1990's Yugoslavia.