Энди Уорхол
Энди Уорхол (Andrew Warhola; 1928 сыл атырдьах ыйын 6 – 1987 сыл олунньу 22 күнэ)[1] диэн XX үйэ иккис аҥарыгар ордук биллэр Америка худуоһунньуга.[2]
Уорхол төрүүрүгэр Эндрю Уорхол диэн аттаммыта, 1928 сыл атырдьах ыйын 6 күнүгэр Пенсильвания штатыгар Питтсбург куоракка төрөөбүтэ. Нью-Йоркка көһүөн иннинэ Карнеги университетын бүтэрбитэ. Бастакы улахан ситиһиитэ Гламур сурунаалга ыстатыйаҕа уруһуй сакааһа буолбута. Онно араспаанньатын уларытан суруйбута, уонна "Эндрю Уорхол уруһуйа" диэн илии баттаабыта. Уорхол ону тэҥэ биллэр үлэлэрэ - Кэмпбелл уонна Уэттис миин кэнсиэрбэтин уруһуйдара. 300 уруһуй кэриҥэ хартыыналары уруһуйдаабыта.[3] Бастаан реклама уруһуйдьутунан үлэлиир этэ, ол кэнниттэн араас маҕаһыыннарга витринаны оҥороро. Ол кэнниттэн Поп-арт хамсаныыга биллэр буолбута, онно олох-дьаһах малларын уруһуйдуура. Биир ордук биллэр уруһуйунан Мэрилин Монро өҥнөөх уруһуйа буолбута.
1968 сыллаахха Валери Соланас диэн киһи Уорхолы ыппыта.
1987 сыллаахха Нью-Йорк куоракка балыыһаҕа үөһүн эпэрээсийэнэ сылдьан соһүмардыы тахсыбыт аритмияттан 58 саастааҕар өлбүтэ..[4]
Быһаарыылар
Атын сигэлэр
Халыып:Wikiquote
