G-Spot
Gräfenberg Spot, mindeng disebut G-Spot, nyaéta hiji daérah dina vagina nu gedéna saukuran kacang buncis[1]. Loba awéwé nu ngalaporkeun yén G-Spot mangrupa erogenous zone nu nalika dirangsang bakal nyababkeun hiji dorongan sahwat nu gedé, orgasme nu kacida kuatna sarta éjakulasi wanoja.[2] Gräfenberg Spot ilaharna aya dina sainci tepikeun ka tilu inci (2.5 to 7.6 cm) saluhureun pinding vagina béh hareup antara bukaan vagina jeung urétra[3] tur mangrupa daérah sénsitif nu mangrupa bagéan tina prostat wanoja.[4]
Sok sanajan G-Spot téh geus ditalungtik ti taun 1940-an,[5] kahanteupanujuan tetep mucunghul aya ngeunaan aya henteuna G-Spot minangka hiji struktur, définisi katut lokasi nu béda ti nu liana.[6][7] Panalungtikan di Inggris taun 2009 British nyindekkeun yén ayana G-Spot téh henteu kabuktian tur kacida subjéktifna, nu ngan ukur dumasar kana kuisionér katut pangalaman pribadi.[8] Aya ogé hipotésis yén G-Spot téh cenah mah mangrupa papanjangan tina itil tur ieu pisan nu nyababkeun orgasme vagina.[9][10] Panalungtikan liana nu maké ultrasound, geus manggihan bukti fisiologis ngeunaan G-Spot dina wanoja nu ngalaporkeun kungsi orgasme nalika saresmi.[11][12]
Psikolog seksual méré perhatian yén wanoja bisa dianggap boga gangguan lamun henteu bisa manggihan G-Spot-na sorangan.[13] Wanoja ngalakukeun prosedur bedah palastik nu disebut nguatkeun G-Spot pikeun nambahan sensitivitasna.[5]
Tempo ogé
Portal Portal Portal Portal |
- Human female sexuality
- Human sexuality
- The G Spot and Other Recent Discoveries About Human Sexuality (book)
Rujukan
Tumbu kaluar
- About.com – Sexuality, "What is the G-Spot?", Cory Silverberg
- About.com – How to Locate Your G Spot
- The-Clitoris.com – Female Ejaculation, the Female Prostate, and The G-Spot
Citakan:Female reproductive systemCitakan:Sex