Logo
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Logo (ukrōcynie ôd logogram abo logotyp)[1] – niyôbyczajnŏ i charakterystycznŏ forma graficznŏ, stylizowany szkryft, symbol abo inkszŏ forma graficznyj ekspresyje sużōncŏ do idyntyfikacyje marki, fyrmy abo ôrganizacyje[2].
Wrażŏ sie jy na drukowanych materyjach, ryklamach, artykułach piśmiynniczych, budōnkach i wozidłach.
Logo wystympuje we trzech postaciach – znaku bydōncego symbolym abo sygnetym, logotypu abo połnego logo[3].
Cyle
Logo przede wszyjskim suży do idyntyfikacyje kōnkretnyj fyrmy, ôrganizacyje abo marki, tōż bazowym cwekym logo je pōmoc we ôdrōżniyniu jednyj marki ôd drugij. Ôd dŏwna ludzie ôdczuwali potrzã i chyńć podkryślaniŏ swojij indywidualnyj tożsamości i ôdrōżnianiŏ sie ôd inkszych[4]. Bazowe cyle pasowaniŏ logo bez fyrmã, markã abo ôrganizacyjõ:
- ôdrōżniynie sie ôd kōnkuryncyje, pokŏzanie swojij indywidualności
- piyrszy krok we budowaniu wizualnyj idyntyfikacyje
- nakierowanie ciōngu myślowego ôdbiyrŏcza na bazowe priorytety fyrmy, marki, ôrganizacyje
Zorty logo
W literaturze idzie trefić na roztōmajte klasyfikacyje firmowych symbolōw. Niykere z nich to[5]:
- logotyp
- glif
- mōnogram
- graficzne znaki
- postacie
- abstrakcyjne i symboliczne znaki
- emblemat
Budowa logo
Ajnfachowe (połne) logo skłŏdŏ sie ze: sygnetu, logotypu, a we niykerych cufalach z przidŏwkym tagline. Pojedyncze elymynta (sygnet, logotyp) mogōm być nazwane logo.