Pixar
 | Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Pixar Animation Studios (krōcyj Pixar) – amerikańsko wytwōrnia kōmputrowych animowanych filmōw powstoła we 1979 roku kej Graphics Group. Ôd 1986 roku niyznŏleżnŏ filmowŏ wytwōrnia. We 2006 roku weszła we skłŏd korporacyje The Walt Disney Company. Tak siydziba spōłki, jak a jeji sztudia sōm we Emeryville we stanie Kaliforńijo.
| Pixar Pixar Animation Studios | |
 | |
 Siydziba sztudia | |
| Siydziba | Emeryville |
| Adresa | 1200 Park Avenue |
| Nastōnie | 1979 (za Graphics Group) |
| Zorta prawnŏ | jednotka zŏleżnŏ |
| Prezes | Jim Morris |
| Udziołowce | Steve Jobs (1986–2006) The Walt Disney Company (ôd 2006) |
| Wielość zatrudniōnych | 1,233 (2020) |
 Galeryjŏ we Wikimedia Commons | |
| Internetowŏ zajta | |
Historyjŏ
Sztudio powstoło we 1979 roku kej Graphics Group (tajla filmowyj wytwōrnie LucasFilm Limited, Inc.). Steve Jobs pŏrã miesiyncy po ôpuszczyniu Apple we 1986 roku kupiōł tyn dzioł kōmputrowyj animacyje Lucasfilmu, z kerego utworzōł samodzielne filmowe sztudio – Pixar Animation Studios[1].
Ôd 1990 roku Pixar spōłpracuje z wytwōrniōm Walt Disney Pictures. Jejich piyrszõ spōlnõ produkcyjōm bōł Toy Story, kery bōł piyrszym we historyji kinymatografije filmym tworzōnym w cołkości jyny kōmputrowōm technikōm. Ugŏda zawartŏ miyndzy sztudiami miała zakōńczyć sie we 2004 roku na filmu The Incredibles, atoli The Walt Disney Company we 2006 roku wykupiōł paket kōntrolny akcyje Pixara za 7,4 milijardu dolarōw a wytwōrnia ta stała sie tajlōm Disneya.
