ஆசியத் துடுப்பாட்ட அவை

1983 செப்டம்பர் 19 இல் புதுதில்லியில் இந்த அமைப்பு ஆசிய துடுப்பாட்ட மாநாடு என்ற பெயரில் தொடங்கப்பட்டது. இதன் ஆரம்பகால உறுப்பினர்கள் வங்காளதேசம், இந்தியா, மலேசியா, பாக்கித்தான், சிங்கப்பூர், இலங்கை ஆகியயாகும். 1995 இல் இதன் பெயர் ஆசியத் துடுப்பாட்ட அவை என மாற்றப்பட்டது. 2003 வரை, இதன் தலைமையகம் இரண்டு ஆண்டுகளுக்கு ஒருமுறை அவையின் தலைவர்கள், செயலாளர்களின் சொந்த நாடுகளில் சுழற்சி முறையில் இருந்து வந்தது. இந்த அமைப்பின் தற்போதைய தலைவர் ஜெய் சா, இவர் இந்தியத் துடுப்பாட்டக் கட்டுப்பாடு வாரியத்தின் செயலாளராகவும் உள்ளார்.

ஆசியக் கிண்ணம், ஆசியத் தேர்வு வாகை, ஏசிசி கிண்ணம், மற்றும் பல்வேறு போட்டிகள் உட்பட அதிகாரப்பூர்வமாக அனுமதிக்கப்பட்ட போட்டிகளின் போது சேகரிக்கப்படும் தொலைக்காட்சி வருவாயில் இருந்து கிடைக்கப்பெறும் நிதியுதவி, அவையின் உறுப்பினர் நாடுகளில் பயிற்சி, நடுவர் தெரிவு மற்றும் விளையாட்டு மருத்துவ திட்டங்களை ஆதரிக்கும் மேம்பாட்டுத் திட்டங்களுக்கு செலவழிக்கப்படுகிறது.

ஆசியத் துடுப்பாட அவையின் தற்போதைய தலைமையகம் இலங்கையின் கொழும்பில் 2017 ஆகத்து 20 இல் அதிகாரப்பூர்வமாக திறக்கப்பட்டது.^[3]

ஆசியத் துடுப்பாட்ட அவையின் உறுப்பினர் சங்கங்கள் முழுமையான மற்றும் இணை உறுப்பினர்கள் என இரண்டு வகைகளாகப் பிரிக்கப்பட்டுள்ளன: பன்னாட்டுத் துடுப்பாட்ட அவையில் முழுமையான உறுப்ப்புரிமை உள்ளோருக்கு "முழு உறுப்பினர் தகுநிலை" வழங்கப்பட்டுள்ளது. அதே வேளையில் பன்னாட்டு அவையில் இணை உறுப்பினர்களாக உள்ளோருக்கும், பன்னாட்டு அவையில் உறுப்பினர்களல்லாதோருக்கும் (கம்போடியா, தைவான், 2021 இல்) "இணை உறுப்பினர் தகுநிலை" வழங்கப்பட்டுள்ளது.^[4] பிஜி, சப்பான், பப்புவா நியூ கினி ஆகியவை முன்பு ஆசிய அவையில் உறுப்பினர்களாக இருந்தன, ஆனால் 1996 இல் நிறுவப்பட்டபோது கிழக்காசிய-பசிபிக் பிராந்தியப் பேரவை தொடங்கியபோது, இந்த அவையில் இணைந்தன.^[5]

ஆசியத் துடுப்பாட்ட அவையின் தற்போதைய உறுப்பினர்கள்

இல.	நாடு	அவை	ஐசிசி உறுப்புரிமை (ஒப்புதல் நாள்)	ஐசிசி உறுப்புரிமை	ஏசிசி உறுப்புரிமை
1	இந்தியா	இந்திய வாரியம்	முழு (31 மே 1926)	1926	1983
2	பாக்கித்தான்	பாக்கித்தான் வாரியம்	முழு (28 சூலை 1952)	1952	1983
3	இலங்கை	இலங்கை வாரியம்	முழு (21 சூலை 1981)	1965	1983
4	வங்காளதேசம்	வங்காளதேச வாரியம்	முழு (26 சூன் 2000)	1977	1983
5	ஆப்கானித்தான்	ஆப்கானித்தான் வாரியம்	முழு (22 சூன் 2017)	2001	2003

ஆசியத் துடுப்பாட்ட அவையின் தற்போதைய துணைநிலை உறுப்பினர்கள்

இல.	நாடு	ஐசிசி உறுப்புரிமை	ஐசிசி உறுப்புரிமை	ஏசிசி உறுப்புரிமை
1	ஆங்காங்	துணைநிலை	1969	1983
2	நேபாளம்	துணைநிலை	1996	1990
3	ஓமான்	துணைநிலை	2000	2000
4	ஐக்கிய அரபு அமீரகம்	துணைநிலை	1990	1984

ஆசியத் துடுப்பாட்ட அவையின் தற்போதைய உறுப்பினர்கள்

இல.	நாடு	ஐசிசி உறுப்புரிமை	ஐசிசி உறுப்புரிமை	ஏசிசி உறுப்புரிமை
1	பகுரைன்	துணைநிலை	2001	2003
2	பூட்டான்	துணைநிலை	2001	2001
3	சீனா	துணைநிலை	2004	2004
4	ஈரான்	துணைநிலை	2003	2003
5	குவைத்	துணைநிலை	2003	2005
6	மலேசியா	துணைநிலை	1967	1983
7	மாலைத்தீவுகள்	துணைநிலை	1998	1996
8	மங்கோலியா	துணைநிலை	2021	N/A
9	மியான்மர்	துணைநிலை	2006	2005
10	கத்தார்	துணைநிலை	1999	2000
11	சவூதி அரேபியா	துணைநிலை	2003	2003
12	சிங்கப்பூர்	துணைநிலை	1974	1983
13	தஜிகிஸ்தான்	துணைநிலை	2021	2012
14	தாய்லாந்து	துணைநிலை	2005	1996
15	கம்போடியா	துணைநிலை	2022	2012

மங்கோலியா 2021 சூலை 18 அன்று ஐசிசி உறுப்பினராக அனுமதிக்கப்பட்டது, ஆனால் இன்னும் எந்த பிராந்திய அமைப்பின் உறுப்புரிமையையும் அது பெறவில்லை. இருப்பினும், ஆசிய நாடாக இருப்பதால், ஏசிசியில் இணையும் என எதிர்பார்க்கப்படுகிறது.

ஆசியத் துடுப்பாட்ட அவையின் தற்போதைய உறுப்பினர்கள்

இல.	நாடு	ஐசிசி உறுப்புரிமை	ஐசிசி உறுப்புரிமை	ஏசிசி உறுப்புரிமை
1	சீனக் குடியரசு	பொருத்தமில்லை		2012

கிழக்காசிய-பசிக்கில் இணைந்த முன்னாள் ஆசிய உறுப்பினர்கள்

இல.	நாடு	ஐசிசி உறுப்புரிமை	ஐசிசி உறுப்புரிமை	ஏசிசி உறுப்புரிமை
1	பிஜி	துணைநிலை	1965	1996
2	சப்பான்	துணைநிலை	1989	1996
3	பப்புவா நியூ கினி	துணைநிலை (ஒநாப தகுநிலை)	1973	1996

ஆசியத் துடுப்பாட்ட அவையின் முன்னாள் உறுப்பினர்கள்

இல.	நாடு	ஐசிசி உறுப்புரிமை	ஐசிசி உறுப்புரிமை	ஏசிசி உறுப்புரிமை
1	புரூணை	பொருத்தமில்லை	2002–2015	1996

• Asian Cricket Council (ACC)