வடகிழக்கு பினாங்கு தீவு மாவட்டம்
வடகிழக்கு பினாங்கு தீவு மாவட்டம் (ஆங்கிலம்: Northeast Penang Island District; மலாய்: Daerah Timur Laut Pulau Pinang; சீனம்: 马来西亚县份: 东北县); ஜாவி: دايره تيمور لاوت ڤولاو ڤينڠ) என்பது மலேசியாவின் பினாங்கு மாநிலத்தில் உள்ள ஒரு மாவட்டம். பினாங்கு மாநிலத்தின் ஐந்து மாவட்டங்களில் இந்த மாவட்டமும் ஒன்றாகும்.
வடகிழக்கு பினாங்கு தீவு மாவட்டம் Northeast Penang Island District | |
|---|---|
 வடகிழக்கு பினாங்கு தீவு மாவட்டம் | |
  வடகிழக்கு பினாங்கு தீவு மாவட்டம் | |
| ஆள்கூறுகள்: 5°22′21″N 100°19′03″E / 5.37250°N 100.31750°E | |
| நாடு |  மலேசியா |
| மாநிலம் | .svg){kind=small} பினாங்கு |
| மாவட்டம் | வடகிழக்கு பினாங்கு தீவு |
| தொகுதி | புக்கிட் குளுகோர் |
| அரசு | |
| • உள்ளூராட்சி | பினாங்கு தீவு மாநகராட்சி |
| பரப்பளவு | |
| • மொத்தம் | 122.79 km2 (47.41 sq mi) |
| மக்கள்தொகை (2010) | |
| • மொத்தம் | 5,10,996 |
| • அடர்த்தி | 4,161.5/km2 (10,778/sq mi) |
| நேர வலயம் | மலேசிய நேரம் ஒ.ச.நே + 08:00 |
| மலேசிய அஞ்சல் குறியீடு | 100xx - 108xx |
| மலேசியத் தொலைபேசி எண்கள் | +604 |
| மலேசியப் போக்குவரத்துப் பதிவெண் | P |
இந்த மாவட்டத்தில் அமைந்துள்ள ஜார்ஜ் டவுன் நகரம், மாவட்டத்தின் பெரிய நகரமாகவும்; பினாங்கு மாநிலத்தின் தலைநகரமாகவும் விளங்குகிறது. பினாங்குத் தீவின் வடகிழக்குப் பாதியை இந்த ’வடகிழக்கு பினாங்கு தீவு மாவட்டம்’ உள்ளடக்கியது. இந்த மாவட்டத்தின் பரப்பளவு: 122.79 கி.மீ. (47.41 சதுர மைல்).
2010-ஆம் ஆண்டு புள்ளிவிவரங்களின்படி 510,996 மக்கள்தொகை கொண்டது. இந்த மாவட்டம் தென்மேற்கு பினாங்கு தீவு மாவட்டத்தின் மேற்கில் எல்லையாகக் கொண்டுள்ளது.
வரலாறு
1786-ஆம் ஆண்டில், பிரித்தானிய கிழக்கிந்திய நிறுவனம் (British East India Company), பினாங்குத் தீவின் கட்டுப்பாட்டைத் தன்னகப் படுத்தியது. பினாங்குத் தீவின் வடகிழக்கு முனையில் ஜார்ஜ் டவுன் நகரத்தை நிறுவியது.[1][2]
அதன் பின்னர் பல பத்தாண்டுகளாக, ஜார்ஜ் டவுன் நகரில் இருந்து பினாங்குத் தீவு நேரடியாக நிர்வாகம் செய்யப்பட்டு வந்தது. அந்தக் கட்டத்தில், பினாங்கில் எந்த ஒரு நிர்வாகப் பிரிவும் அமைக்கப்படவில்லை.
இரு மாவட்டங்களாகப் பினாங்கு தீவு
1888-ஆம் ஆண்டில், பினாங்குத் தீவின் தென்மேற்கில் உள்ள பாலிக் புலாவ் பகுதியில் ஒரு மாவட்டமும்; ஒரு நில அலுவலகமும் நிறுவப்பட்டது. இவ்வாறு தான், தென்மேற்கு பினாங்கு தீவு மாவட்டம் உருவாக்கப்பட்டது.
அந்த வகையில், அப்போதையக் காலக்கட்டத்தில், பினாங்கு தீவு இரண்டு பெரும் மாவட்டங்களாகப் பிரிக்கப்பட்டு இருந்தது. இரண்டு மாவட்டங்களும் 1890-ஆம் ஆண்டுகளில் பினாங்கின் அதிகாரப்பூர்வ வரைபடங்களில் காட்சிப்படுத்தபட்டு இருந்தன.[3]
புவியியல்
வடகிழக்கு பினாங்கு தீவு மாவட்டத்தின் நில அலுவலகம், பினாங்கு மாநிலத்தின் தலைநகரான ஜார்ஜ் டவுனின் மையப் பகுதியில் அமைந்துள்ளது. இந்த மாவட்டம் ஜார்ஜ் டவுனின் புறநகர்ப் பகுதிகளை உள்ளடக்கியது. அந்தப் புறநகர்ப் பகுதிகள்:
- பத்து பெரிங்கி (Batu Ferringhi)
- தஞ்சோங் பூங்கா (Tanjung Bungah)
- தஞ்சோங் தொக்கோங் (Tanjung Tokong)
- புலாவ் திக்குஸ் (Pulau Tikus)
- பத்து லஞ்சாங் (Batu Lanchang)
- ஆயர் ஈத்தாம், பினாங்கு (Air Itam)
- பாயா தெருபோங் (Paya Terubong)
- ஜெலுத்தோங் (Jelutong)
- குளுகோர் (Gelugor)
இந்த வடகிழக்கு பினாங்கு தீவு மாவட்டத்தில் பினாங்கு தீவின் மத்திய மலைத்தொடர்களும் அமைந்து உள்ளன. அந்த மலைத் தொடரில் உள்ள பினாங்கு மலை, பினாங்கு தீவில் மிக உயரமான சிகரமாகும். அந்தப் பினாங்கு மலை, இந்த மாவட்டத்திற்குள் தான் உள்ளது. பினாங்கு மலை, ஒரு முக்கியச் சுற்றுலாத் தலமாக செயல்படுகிறது.[4]
மக்கள்தொகையியல்
கீழ்க்காணும் புள்ளிவிவரங்கள், 2010-ஆம் ஆண்டு, மலேசியாவின் புள்ளியியல் துறையால் நடத்தப்பட்ட தேசிய மக்கள் தொகைக் கணக்கெடுப்பின் அடிப்படையில் வழங்கப் படுகிறது.
| இனம் | மக்கள் தொகை | விழுக்காடு (%) |
|---|---|---|
| மலாய்க்காரர்கள் | 107,243 | 20.99 |
| இதர பூமிபுத்ரா மக்கள் | 2,353 | 0.46 |
| சீனர்கள் | 316,172 | 61.87 |
| இந்தியர்கள் | 51,468 | 10.07 |
| பிற இனத்தவர்கள் | 2,083 | 0.41 |
| மலேசியர் அல்லாத குடிமக்கள் | 31,677 | 6.20 |
| மொத்தம் | 510,996 | 100.00 |
வடகிழக்கு பினாங்கு தீவு மாவட்டத்தின் தமிழ்ப்பள்ளிகள்
மலேசியா; பினாங்கு; வடகிழக்கு பினாங்கு தீவு மாவட்டத்தில் (North Seberang Perai District); 5 தமிழ்ப்பள்ளிகள் உள்ளன. அவற்றில் 864 மாணவர்கள் பயில்கிறார்கள். 92 ஆசிரியர்கள் பணியாற்றுகிறார்கள். மலேசியக் கல்வியமைச்சு 2020 ஜனவரி மாதம் வெளியிட்ட புள்ளிவிவரங்கள்.[5]
| பள்ளி எண் | இடம் | பள்ளியின் பெயர் மலாய் | பள்ளியின் பெயர் தமிழ் | அஞ்சல் குறியீடு | வட்டாரம் | மாணவர்கள் | ஆசிரியர்கள் |
|---|---|---|---|---|---|---|---|
| PBD1082 | ஜாலான் கெபூன் பூங்ஙா | SJK(T) Azad | ஆசாத் தமிழ்ப்பள்ளி | 10350 | ஜார்ஜ் டவுன் | 81 | 13 |
| PBD1084 | கம்போங் பாரு | SJK(T) Rajaji | ராஜாஜி தமிழ்ப்பள்ளி | 11400 | ஆயர் ஈத்தாம் | 76 | 11 |
| PBD1085 | ஜாலான் ஸ்காட்லாண்ட் | SJK(T) Ramakrishna | ராமகிருஷ்ணா தமிழ்ப்பள்ளி | 10450 | ஜார்ஜ் டவுன் | 288 | 25 |
| PBD1086 | ஜாலான் சுங்கை | SJK(T) Jalan Sungai | ஜாலான் சுங்கை தமிழ்ப்பள்ளி | 10150 | ஜார்ஜ் டவுன் | 111 | 19 |
| PBD1088 | குளுகோர் | SJK(T) Subramaniya Barathee | சுப்பிரமணிய பாரதி தமிழ்ப்பள்ளி | 11700 | குளுகோர் | 273 | 24 |
பினாங்கு மாநிலத்தில் உள்ள மாவட்டங்கள்
- ☆ மத்திய செபராங் பிறை மாவட்டம் - (Central Seberang Perai District)
- ☆ வட செபராங் பிறை மாவட்டம் - (North Seberang Perai District)
- ☆ வடகிழக்கு பினாங்கு தீவு மாவட்டம் - (Northeast Penang Island District )
- ☆ தென் செபராங் பிறை மாவட்டம் - (South Seberang Perai District)
- ☆ தென்மேற்கு பினாங்கு தீவு மாவட்டம் - (Southwest Penang Island District)
புள்ளி விவரங்கள்
- "Population Distribution and Basic Demographic Characteristics, 2010" (PDF). Department of Statistics, Malaysia. Archived from the original (PDF) on 22 May 2014.
- "2017 Q2 statistics" (PDF). Penang Institute. Archived from the original (PDF) on 2017-12-01.
மேற்கோள்கள்
வெளி இணைப்புகள்
