پورالی ملا پہاڑ جنوبی بھارتی ریاست کیرلا کے ضلع کنور میں واقع ایک چھوٹا پہاڑی سلسلہ ہے۔ یہ مغربی گھاٹ پہاڑی سلسلے کا حصہ ہے۔ یہ شہرِ مٹانور کے پژاشی گاؤں سے شروع ہو کر مشرق کی طرف میں مغربی گھاٹ سے جا ملتا ہے۔ تقریباً 15 مربع کلومیٹر رقبے پر محیط اس پہاڑی سلسلے میں مختلف انواع کے جاندار اور درخت پائے جاتے ہیں۔ یہ سطح بحر سے 1800 سے 3000 تک کی بلندی پر واقع ہے۔
پورالی ملا تاریخی اہمیت کا حامل پہاڑ ہے۔ ان پہاڑوں میں پژاشی راجا نے جو اس وقت اس علاقے کا حکمران تھے اپنے سپاہیوں کے ساتھ چند عرصے گزارے تھے۔ مگر برطانوی افواج نے اس پہاڑ کا محاصرہ کیا تو ناچار ہو کر ویاناڈ میں جا کر پناہ لی۔[1][2]
پورالی پہاڑ میں کئی تاریخی یادگاریں موجود ہیں۔ ان میں قلعہ ہرشچندر اور غار مئلاڈومپارا وغیرہ اہم ہیں۔ اس پہاڑ کے سیاحتی امکانات کے پیشِ نظر حکومت نے کئی منصوبے بنائے رکھے ہیں۔
قریب ترین ریلوے اسٹیشن تلشیری اور کنور ہیں۔ ضلعی صدر دفتر کنور سے 40 کلومیٹر اور تلشیری سے 30 کلومیٹر دور ہے۔ قریب ترین ہوائی اڈا کالی کٹ ہے، اس کے علاوہ مجوزہ کنور بین الاقوامی ہوائی اڈا اس علاقے کے بہت ہی قریب ہے۔