James Joyce
   | |
|---|---|
| Moted: | James Augustine Aloysius Joyce 2 febul 1882 Rathgar[*] |
| Deadam: | 13 yanul 1941 Zürich |
| Deadamakod: | peritonitis[*] |
| Lifatopam: | avenue Charles-Floquet[*], avenue Charles-Floquet[*] |
| Cal(s): | hipoedan[*], hilautan lekonedas[*], hitidan[*], hilautan[*], hilautan[*], higasediman[*], literatakrütan[*], hiprosadan[*] |
| Tatät(s): | Lireyän |
| Matan(s): | Nora Barnacle[*] |
| Cil(s): | Lucia Joyce[*], Giorgio Joyce[*] |
| Pal(s): | John Stanislaus Joyce[*] |
| Gem(s): | Stanislaus Joyce[*] |
| Resodatoped calöfik: | https://jamesjoyce.ie |
| Dispenäd: | |
 | |
Hiel James Augustine Aloysius Joyce (Lireyänapüko: Séamus Seoighe; 1882 febul 2 - 1941 yanul 13) äbinom lautan Lireyänik in foginän, anu palecedöl as balan lautanas flunilabikün tumyela 20id. Sevädon ledino sekü lekoned omik: Ulysses (1922) e sökod vemo pedöbatöl onik: Finnegans Wake (1939), äsi sekü konotakonlet: Dubliners (= Elans di Dublin; 1914) e lekoned dilo otlifajenädik: A Portrait of the Artist as a Young Man (= Pöträt Lekanana as Yunan; 1916).
Do älifädom dili gretikün lifüpa okik plödü Lireyän, leval lekonedik ä lanavik ela Joyce ävulon in lomazif oma: Dublin, kö dabinons tops e dil gretik yegäda lekonedas okik. Pato tefs letepöfik omik ko Glüg Romakatulik Lireyänik lokons me komips ninälik ela „ob votik“ (alter ego) oma: hiel Stephen Dedalus. Sekü dem e küpäl kuratiks ats tefü top pösodik, kobü xil fa ok it pimütöl e flun okik da Yurop lölik (pato in Paris, in Fransän), el Joyce ävedom süpädo balan kosmopolikünas äd otüpo balan topädikünas vü lautans Linglänapükik valik timäda omik.[1]
