აკაჟუ

აკაჟუ, კაჟუ, ქეშიუ, ბჟადალური ანაკარდიუმი, ინდური თხირი (ლათ. Anacardium occidentale) — ჯა ჩვაჩვაბიშობურეფიშ ფანიაშე. ორთაშობურო ჩანს ტროპიკულ ამერიკას, დოჭყანაფილი რე შხვა ტროპიკულ ქიანეფსით. ჩანარიშ ოდაბადე რე ბრაზილია.

? აკაჟუ
აკაჟუშ გუმნაღელი
მენცარული კლასიფიკაცია
ჟინომაფე: ევკარიოტეფი ომაფე: ჩანარეფი გიმენომაფე: წვანე ჩანარეფი გჷნართი: პეულამეფი კლასი: ჟირლებერამეფი რანწკი: საპინდიშნერეფი ფანია: ჩვაჩვაბიშობურეფი გვარი: ჩვაჩვაბი ბუნა: აკაჟუ
ლათინური ჯოხო
Anacardium occidentale
თხილუაშ სტატუსი
არძოშე ნორკებუ საფრთხეშ თუდო IUCN 3.1 Least Concern : ???
სისტემატიკა ვიკინერობეფს სურათეფი ვიკიოწკარუეს ITIS 28793 NCBI 171929

აკაჟუშ გუმნაღელი თხირიშნერი რე, იჭკომუ. თაშნეშე ოჭკომალო ირგებე (ლადირო ვარ-და კომპოტო) თიში შხუ ხორცამი ყერწით (ყურუგუმნაღელი). თასი იკათუანს ზეთის. გუმნაღელიშ ტყებიშე აკეთენა მელანს, თეშ გეშა აკაჟუშა უჯოხონა "მელანიშ ჯა". მარქვა, ნამუთ ჩინებული რე აკაჟუშ ვარ-და ჩე მაჰაგონიშ ჯოხოთ, მაღალი ღებაში რე, ხვარენა ოჭკადურე საქვარს. აკაჟუშე მიღებუაფუ თაშნეშე ოდაღამბა. კანკალეშა აკაჟუ უჯოხონა მელიაშობურეფიშ (ლათ. Meliceae) ფანიაშ ბჟადალაფრიკულ ჯა კჰაიაშა (ლათ. Khaya ivorensis), ნამუშ მარქვაშე აკეთენა ჭკუდის.